कृषा चौलागाईंको निर्देशनमा बन्ने फिल्म 'जहाजैमा' को प्रदर्शन मिति घोषणा गरिएको छ।
फिल्म छायांकन सुरू हुनु २ महिना अगावै यसको निर्माणपक्षले फागुन १ गतेलाई प्रदर्शन मिति तय गरेको हो।
फिल्मको निर्माणपक्षले आर.आर फिल्मस्सँग वितरणको सहकार्य गर्दै फागुनको १ गतेबाट रिलिज गर्ने घोषणा गरेको हो। फिल्मलाई आर.आर फिल्मस्का रोहित कट्टेल र रत्न श्रेष्ठले वितरण गर्नेछन्।
यो फिल्ममा केदार घिमिरे, सौगात मल्ल, जापानीज अभिनेत्री रूजेल इचिमिया अनुबन्धित भइसकेका छन्। अन्य, कलाकारहरू पनि फाइनल गर्ने चरणमा रहेको निर्माणपक्षले बताएको छ।
भदौबाट जापानमा छायांकन गर्ने तयारी रहेको फिल्ममा अभिमन्यू निरवीको लेखन, पुरूषोत्तम प्रधानको डीओपी रहनेछ।
उज्ज्वल गुरागाईंको निर्माणमा तयार हुन लागेको फिल्मलाई यूएनए प्रोडक्सनको ब्यानरमा निर्माण गर्न लागिएको हो।
नेपाल, जापान र फिलिपिन्समा फिल्म खिचिने जनाइएको छ।
-1746009348.jpg)
