दोस्रो संस्करणको नेपाल प्रिमियर लिग (एनपिएल) का लागि सुदूरपश्चिम रोयल्सले यूएईका अलराउन्डर ध्रुव परासरलाई अनुबन्ध गरेको छ।
परासर सुदूरपश्चिमले टिममा भित्र्याएको पाँचौ विदेशी खेलाडी हुन्।
यसअघि सुदूरपश्चिपमले स्कट कुग्गेलिन, क्रिस लिन, हर्मीत सिंह र जोस ब्राउनलाई अनुबन्ध गरिसकेको छ। एनपिएल खेल्नका लागि परासर आजै नेपाल आइपुगेका छन्।
उनले यूएईका लागि ३२ टी–२० अन्तर्राष्ट्रिय खेलमा २०७ रन बनाउनुका साथै ३२ विकेट लिएका छन्। यस्तै, १२ एकदिवसीय अन्तर्राष्ट्रिय खेलमा १९२ रन जोड्दै १० विकेटहात पारेका छन्।
सुदूरपश्चिम रोयल्सको टोली
दिपेन्द्र सिंह ऐरी, आरिफ शेख, बिनोद भण्डारी, अविनाश बोहरा, दिपक बोहरा, मिलन बोहरा, हेमन्त धामी, इशान पाण्डे, टेक रावत, नरेन साउद, दिपेन्द्र थापा, स्कट कुग्गेलिजन, क्रिस लिन, हर्मीत सिंह, जोस ब्राउन र ध्रुब परासर
मुख्य प्रशिक्षकः जगत टमटा
-1763106181.jpg)
-1746009348.jpg)
