नेपाल सरकार, लगानी बोर्ड तथा नेपाल हेहे इकोनोमिक डेभलपमेन्ट जोन कम्पनी लिमिटेडबीच आज समझदारीपत्रमा हस्ताक्षर गरिएको छ।
काभ्रेपलाञ्चोकको पाँचखालमा प्रस्तावित विशेष आर्थिक क्षेत्रको विस्तृत परियोजना प्रतिवेदन (डिपीआर) तयार गर्ने सम्बन्धमा यो सम्झौता गरिएको हो।
लगानी बोर्डका प्रमुख कार्यकारी अधिकृत सुशील ज्ञवाली र कम्पनीका प्रतिनिधि यिन लिउबिङले समझदारीपत्रमा हस्ताक्षर गरेका छन्।
यो प्रस्तावक कम्पनी चीनको हेहेहुई ग्रुपको स्वामित्वमा रहेको छ। कम्पनीले सर्वेक्षण अनुमति पाइसकेको छ।
सम्झौताअनुसार अनुमति पाएको करिब १० महिनाभित्रमा डीपीआर पेश गर्नुपर्नेछ। लगानी बोर्डको कार्यालयमा यो विस्तृत प्रतिवेदन पेश गरिने उल्लेख छ।
यस परियोजनालाई सार्वजनिक–निजी साझेदारी ढाँचामा विकास गरिने जनाइएको छ।
-1763106181.jpg)
-1746009348.jpg)
