गायक प्रकाश दुतराजले दसैंको अवसर पारेर नयाँ गीत 'रेशम' सार्वजनिक गरेका छन्। सोमबार बेलुका सार्वजनिक गीतमा उनी र गायिका मेलिना राईको युगल स्वर छ।
प्रकाश र मेलिनाको यो 'जुन माया' र 'रिमै' पछिको सहकार्य हो।
गीतको शब्द र संगीत प्रकाशकै हो। संगीत संयोजन बि.बि अनुरागीले गरेका छन्।
यसको भिडिओमा एक गोठालोको प्रेम कथालाई देखाइएको छ।
ग्रामीण परिवेशमा रहेर भिडिओ तयार पारिएको छ। भिडिओमा प्रकाशसँगै बिमला लिम्बुको अभिनय छ। मौसम हिमालीको कोरियोग्राफी एवं निर्देशनमा भिडिओ तयार भएको हो।
धादिङको उत्तरी भेगमा पर्ने रूबी भ्यालीमा ६ दिन लगाएर यसको भिडिओ खिचिएको हो। अनिल के. मानन्धरको छायांकन रहेको भिडिओमा नवीन घर्ती मगरको सम्पादन छ।
भिडिओः
