आमिर खान र जेनेलिया देशमुखको फिल्म 'सितारे जमीन पर' ले बक्स अफिसमा आफ्नो सफल यात्रा जारी राखेको छ।
प्रदर्शनको ९ दिनमा सय करोडको आँकडा पार गरेको फिल्मको कमाइ १ सय ५० करोड नाघेको छ।
भारतीय सञ्चारमाध्यमका अनुसार फिल्मले भारतमा १८ दिनमा १ सय ५० करोड ५ लाख भारतीय रूपैयाँ कमाइ गरेको हो। १८ औं दिनमा (सोमबार) फिल्मले १ करोड ३५ लाख कमाइ गरेको थियो।
नयाँ रिलिज र 'मेट्रो इन डिनो' र हलिउड फिल्महरूको प्रतिस्पर्धाको बावजुद पनि फिल्मले विशेषगरी ठूला सहरहरूमा बलियो पकड कायम राखेको छ।
रिलिजको पहिलो दिन १० करोड ७० लाख कमाइ गरेको फिल्मले दोस्रो दिन २० करोड २० लाख कमाएको थियो। फिल्मले पहिलो साता ८८ करोड ९० लाख कमाइ गरेको थियो।
फिल्मको विश्वव्यापी कमाइ भने २ सय २४ करोड पुगेको भारतीय सञ्चारमाध्यमले जनाएका छन्।
प्रसन्न आरएस निर्देशित यो फिल्ममा आमिर एक बास्केटबल प्रशिक्षकको भूमिकामा छन्। आमिर खान प्रोडक्सनको यो फिल्म नेपालमा पनि प्रदर्शन भइरहेको छ।
-1746009348.jpg)
