बलिउडका दुई सुपरस्टार शाहरूख खान र सलमान खानले हालै एक कार्यक्रममा सँगै नाचेको भिडिओ सामाजिक सञ्जालमा भाइरल भएको छ। सलमानको सन् १९९८ को चर्चित गीत 'ओ ओ जाने जाना' मा यी दुईले कम्मर मर्काएका हुन्।
मंगलबार सामाजिक सञ्जालमा सार्वजनिक भएको यो भिडिओ कुनै विवाह समारोहको जस्तो देखिन्छ। भिडिओमा शाहरूखले सलमानको फिल्म 'प्यार किया तो डरना क्या' को उक्त गीतको 'हुक स्टेप' दुरूस्तै कपी गरेका छन्। फ्यानहरूले शाहरूखको ऊर्जा र डान्स स्टेपप्रतिको ज्ञानको तारिफ गरेका छन्। कतिपयले दुवै खानलाई एउटै मञ्चमा नचाउन आयोजकले निकै ठूलो रकम खर्च गरेको हुनसक्ने अनुमान लगाएका छन्।
तीन दशकभन्दा लामो मित्रता रहेका यी दुईले सन् २०२३ मा एक–अर्काको फिल्म (पठान र टाइगर ३) मा अतिथि भूमिका (क्यामियो) गरेका थिए।
कामको कुरा गर्दा, सलमान खानले अपूर्व लाखिया निर्देशित फिल्म ‘ब्याटल अफ गलवान’ को सुटिङ सकेका छन्। फिल्म २०२६ मा रिलिज हुनेछ। यता शाहरूख खान सिद्धार्थ आनन्दको फिल्म 'किङ' मा देखिनेछन्।
छोरी सुहाना खानसँगको सहकार्य रहेको यो फिल्म पनि २०२६ को अप्रिलमा रिलिज हुने तय छ।
-1746009348.jpg)
