'बाहुबली', 'आरआरआर' जस्ता सुपरहिट फिल्मका निर्देशक एस.एस. राजामौलीको बहुप्रतीक्षित आगामी फिल्मको नाम 'वाराणसी' घोषणा गरिएको छ।
शनिबार साँझ हैदराबादस्थित रामोजी फिल्म सिटीमा एक भव्य कार्यक्रमका बीच घोषणा भिडिओ ल्याउँदै फिल्मको नाम सार्वजनिक गरिएको हो।
यसअघि 'एसएसएमबी २९–ग्लोबट्रोटर' नामले चिनिएको यो फिल्मको नाम घोषणा कार्यक्रममा फिल्मका मुख्य कलाकारहरू महेश बाबू, प्रियंका चोपडा र पृथ्वीराज सुकुमारन लगायतको उपस्थिति थियो।
फिल्मको घोषणा भिडिओमा सुपरस्टार महेश बाबूलाई प्रस्तुत गरिएको छ।
भिडिओमा उनी 'रूद्र' को भूमिकामा देखिएका छन्। साँढेमा सवार भई हातमा त्रिशूल लिएको मुद्रामा उनी देखिएका छन्।
भिडिओमा एउटा विशाल क्षुद्रग्रह पृथ्वीमा खसेको देखाइएको छ, जसका टुक्राहरू वाराणसी, अन्टार्कटिका, अफ्रिका र अन्य विभिन्न स्थानहरूमा फैलिएका छन्। यसले फिल्मले शताब्दीयौँ लामो कथालाई समेट्ने र रामायणसँगको गहिरो सम्बन्ध रहेको संकेत दिन्छ।
भिडिओको अन्त्यमा, महेश बाबू रगतले लतपतिएको अवस्थामा शक्तिशाली त्रिशूल बोकेर साँढेमा सवार भएको दृश्यले दर्शकहरूलाई रोमाञ्चित बनाउँछ। पृष्ठभूमिमा प्राचीन मन्दिरहरूले यो दृश्यलाई अझ भव्य बनाएका छन्।
यस फिल्ममा महेश बाबूको पात्रको नाम 'रूद्र' छ।
-1763106181.jpg)
-1746009348.jpg)
