कमेडी र हरर फ्रेन्चाइजी फिल्म निर्माणमा परिचित नाम हो दिनेश विजन।
अब उनी बायोपिक फिल्म ल्याउँदैछन्। उनले सरकारी वकिल उज्जवल निकमको बायोपिक बनाउन लागेका हुन्। गतवर्ष नै यस फिल्म निर्माण घोषणा गरिएको थियो।
फिल्ममा वकिलको भूमिकामा आमिर खान देखिने बताइएको थियो। 'लाल सिंह चड्ढा' पछि आमिर खान ठूलो पर्दाबाट टाढिएका छन्। तर उनी निर्माताको रूपमा सक्रिय छन्। 'सितारे जमिन' पछि उनी उज्जवल निकमको बायोपिकमा अनुबन्धित भएका थिए।
भारतीय सञ्चारमाध्यम पिंकभिलाका अनुसार उनी अब फिल्मबाट बाहिरिएका छन्। आमिरको ठाउँमा निर्माण टिमले राजकुमार रावलाई अनुबन्ध गराएका छन्।
उज्जवल एक चर्चित सरकारी वकिल हुन्। उनले हाई प्रोफाइल मर्डर केस र आतंकवादको मामिलामा काम गरेका छन्।
