बलिउड अभिनेता सलमान खान आगामी फिल्म 'सिकन्दर' लाई लिएर चर्चामा छन्।
हालै उनले यस फिल्मको लागि कति पारिश्रमिक लिए भनेर खुलासा भएको छ। भारतीय सञ्चारमाध्यम आजतकका अनुसार उनले यो फिल्मको लागि १०० देखि १२० करोडसम्म पारिश्रमिक लिएका छन्।
उनले पछिल्लो समय प्रोफिट सेयरिङमा सम्झौता गर्दै आइरहेका छन्। सम्झौताअनुसार फिल्मको प्रदर्शन नतिजाअनुसार पारिश्रमिक तय हुन्छ। फिल्म फ्लप भएमा निश्चित रकम प्राप्त हुन्छ। यदि फिल्म हिट भयो भने महँगो पारिश्रमिक लिनेछन्।
एआर मुरुगादास निर्देशित फिल्ममा सलमान खान र रश्मिका मन्दनाको मुख्य भूमिका छ। उनीहरूको केमेस्ट्रीलाई दर्शकले मन पराइरहेका छन्।
यो फिल्म २०२५ को इदमा रिलिज हुनेछ।
