बलिउड अभिनेता विक्की कौशलको फिल्म 'छावा' पाँच सय करोड क्लबमा समावेश भएको छ।
हिन्दी फिल्म बजार विश्लेशक तरण आदर्शका अनुसार फिल्मले ५१६ करोड ४० लाख भारू कमाएको छ। शनिबार फिल्मले १३ करोड ७० लाख भारू कमाउँदै पाँच सय करोड क्लबमा समावेश भएको हो।
यो फिल्मको बजेट १३० करोड भारू बताइएको छ।
लक्ष्मण उतेकर निर्देशित फिल्ममा विक्कीसँगै रश्मिका मन्दाना, अक्षय खन्ना, आशुतोष राणा, दिव्या दत्तालगायत कलाकारको अभिनय छ।
विक्की र निर्देशक लक्ष्मणको यो दोस्रो सहकार्य हो। उनीहरूले सन् २०२३ मा रिलिज भएको फिल्म 'जरा हटके जरा बचके' मा एकसाथ काम गरेका थिए। लक्ष्मण उतेकरले 'मिमी' र 'लुका छुपी' जस्ता फिल्ममा निर्देशन गरेका छन्।
