सिद्धार्थ बैंक नेपाल प्रिमियर लिग (एनपिएल) हेर्न गएका दर्शकको लागि काठमाडौं उपत्यकामा नि:शुल्क बस सेवा सञ्चालन हुने भएको छ।
युवा तथा खेलकुद मन्त्रालय र नेपाल क्रिकेट संघको पहलमा क्रिकेट हेरेर फर्किने दर्शकका लागि निः शुल्क बस सेवा सुरू गरिएको हो।
त्रिभुवन विश्वविद्यालय क्रिकेट मैदानमा एनपिएल खेल हेर्न गएका महिला, वृद्ध, र अशक्तका लागि सो बस ६ बजेदेखि राति ८ बजेसम्म सञ्चालन गरिएको छ। त्यसका लागि मुस्कान ट्राभल्ससँग सहकार्य गरिएको जनाइएको छ। \
कीर्तिपुरस्थित त्रिवि क्रिकेट मैदानमा आठ टोलीबीच प्रतिस्पर्धा भइरहेको एनपिएल आगामी मंसिर २७ गतेसम्म सञ्चालन हुनेछ।
बसका रूटहरू:
रूट १: टियु गेट– स्वयम्भू – बालाजु
रूट २: टियु गेट – स्वयम्भू – बालाजु – महाराजगञ्ज
रूट ३: टियु गेट – बल्खु – कालिमाटी – थापाथली – बनेश्वर – तीनकुने – गौशाला – चाबहिल
रूट ४: टियु गेट – बल्खु – सातदोबाटो – कोटेश्वर
-1763375261.jpg)
-1746009348.jpg)
