नयाँपुरानो इलेक्ट्रो टेकले सेकेन्ड ह्यान्ड मोबाइल किनबेच गर्नका लागि नयाँ-पुरानो एप बजारमा ल्याएको छ।
यो एपबाट आफूले प्रयोग गर्दै गरेको समार्टफोनको मूल्य थाहा पाउन सकिनेछ र यदि एपले दिएको मूल्य उचित लागेमा कम्पनीले पुरानो मोबाइल तुरुन्तै किन्नेछ।
‘अब आफ्नो घरमा भएका पुराना मोबाइलहरू बेच्न कतै जानु पर्दैन, कम्पनी घर मै मोबाइल लिन आउछ र पैसा पनि ग्राहकको बैंक खातामा हालिदिन्छ।’ कम्पनीका सञ्चालक अभिषेक अग्रवालले बताए।
त्यसैगरी, यदी पुरानो मोबाइल किन्नु छ तर भरपर्दो ठाउँ थाहा नहुँदा हुने अप्ठ्यारो पनि यस कम्पनीको वेबसाइट ले सहज बनाएको छ।
यहाँबाट राम्ररी जाँच गरेको पुराना समार्टफोन सजिलै किन्न सकिने समेत अग्रवालले जानकारी दिए।
पुरानो मोबाइल बेच्नु कुनै नयाँ कुरा होइन तर मोबाइलको मूल्य निर्धारण गर्नु र घरै बसी–बसी बेच्न पाउनु हाम्रो सेवाको मुख्य उद्देश्य रहेको उनले बताए।
