एनसेल आजियाटा लिमिटेडले विभिन्न सहरहरूमा सांगीतिक कार्यक्रमको आयोजना गरी स्थानीय समुदायसँगै तीज पर्व मनाएको छ।
कम्पनीको १८ औं वार्षिकोत्सव र तीजका अवसरमा सोमबार एनसेलले विभिन्न चार सहरहरू; सिन्धुली, महेन्द्रनगर, पोखरा र बिर्तामोडमा कार्यक्रम आयोजना गरेको हो।
कार्यक्रममा स्थानीय कलाकारहरूले गीतसंगीत प्रस्तुति र नाचगान गरेका थिए।
ग्राहकहरूको सञ्चार सेवाको आवश्यकतालाई ध्यानमा राख्दै एनसेलले कार्यक्रम आयोजना स्थलमा आफ्नो स्टल पनि राखेको थियो। स्टलबाट ग्राहकले एनसेलको सिमकार्ड, रिचार्ज कार्ड तथ अन्य सेवा, सुविधा लिन सक्ने व्यवस्था थियो।
एनसेलले आइतबार आफ्नो सेवा सञ्चालनको १८ औं वार्षिकोत्सव मनाएको हो। कम्पनीले १८ वर्षदेखि सेवा प्रदान गर्दै आएको छ।
