तिहार नजिकिँदै गर्दा नेपाल राष्ट्र बैंकको बुद्धनगर स्थित टक्सार कार्यालयमा चाँदी किन्न ग्राहककाे भीड लागेको छ।
राष्ट्र बैंकले यसपटक प्रति व्यक्ति चार थानसम्म चाँदीका सिक्का बिक्री गरिरहेको छ।
गाई अंकित १० ग्राम, लक्ष्मी अंकित १० ग्राम, गणेश अंकित १० ग्राम र गजलक्ष्मी अंकित १० ग्राम गरी पाँच थान सिक्का किन्न पाइने भएको हो। मंगलबारको लागि प्रत्येक सिक्काको मूल्य तीन हजार दुई सय रूपैयाँ तोकिएको छ।
अन्तराष्ट्रिय बजारको मूल्य अनुसार नेपालमा पनि दैनिक सुनचाँदीको भाउ परिवर्तन हुन्छ।
आज नेपाली बजारमा भने चाँदी तोलाको तीन हजार तीन सय २५ रूपैयाँमा किनबेच भइरहेको सुन चाँदी व्यवसायी महासंघले उल्लेख गरेको छ।
राष्ट्र बैंकले बिक्री गर्ने सुन चाँदीको शुद्धता ९९.९ प्रतिशत रहेको हुन्छ।
राष्ट्र बैंकले यसवर्ष भने सुनको सिक्का बिक्री नगर्ने भएको हो। गत वर्ष पनि निकै कम परिमाणमा सुन बिक्री गरेको राष्ट्र बैंकले स्टकमा सुन नरहेपछि बिक्री नगर्ने भएको हो।
यसपालि कात्तिक १ गते धनतेरस परेको छ। कात्तिक २ गते पनि धनवन्तरी रहेको उल्लेख छ। धनतेरस तथा धनवन्तरीमा सुन, चाँदी लगायतका वस्तुहरूको किनमेल गरिने चलन छ।
यो पनिः
अवकाश पाइसकेका कर्मचारी ल्याएरै सुनचाँदीका सिक्का बनाउँदै राष्ट्र बैंक
1635339834.jpeg)
-1756794700.JPG)
-1746009348.jpg)
