वाणिज्य बैंकहरूमा हालसम्म पाँच वटाले गत आर्थिक वर्ष २०८१/८२ को चौथो त्रैमासिक वित्तीय विवरण प्रकाशित गरिसकेका छन्।
माछापुच्छ्रे बैंक
गत आर्थिक वर्ष २०८१/८२ मा माछापुच्छ्रे बैंकले दुई अर्ब एक करोड नाफा कमाएको छ।
बैंकले सार्वजनिक गरेको अपरिष्कृत वित्तीय विवरणले यस्तो देखाएको हो।
अघिल्लो आर्थिक वर्षको यही अवधिको तुलनामा यो ९२.४५ प्रतिशतले बढेको हो। अघिल्लो आर्थिक वर्षमा बैंकले १ अर्ब ४ करोड ५१ लाख रूपैयाँ खुद नाफा कमाएको थियो।
बैंकको खुद ब्याज आम्दानी बढेको र प्रवधानमा राख्ने रकम घटेपछि खुद नाफा उल्लेख्य बढेको हो।
यो अवधिमा बैंकको खुद ब्याज आम्दानी १५.४१ प्रतिशतले बढेर पाँच अर्ब ७५ करोड पुगेको छ। बैंकले प्रवधानमा राख्ने रकम १ अर्ब ३९ करोड रूपैयाँबाट घटेर ३५ करोड ३७ लाख रूपैयाँमा सीमित भएको छ।
बैंकको प्रतिसेयर आम्दानी पनि बढेको छ। बैंकको यस्तो आम्दानी बढेर १७ रूपैयाँ ३१ पैसा पुगेको छ।
असार मसान्तसम्ममा बैंकको वितरणयोग्य मुनाफा १ अर्ब ७ करोड रूपैयाँ र वितरणयोग्य आम्दानी ९.२३ प्रतिशत छ।
बैंकको मूल्य आम्दानी अनुपात १४.९९ गुणा र प्रतिसेयर नेटवर्थ एक सय ६३ रूपैयाँ ८० पैसा छ।
कुमारी बैंक
गत आर्थिक वर्ष २०८१/८२ मा कुमारी बैंकले दुई अर्ब एघार करोड नाफा कमाएको छ।
बैंकले सार्वजनिक गरेको अपरिष्कृत वित्तीय विवरणले यस्तो देखाएको हो।
अघिल्लो आर्थिक वर्षको यही अवधिको तुलनामा यो चार सय गुणाले बढेको हो। अघिल्लो आर्थिक वर्षमा बैंकले ४६ लाख रुपैयाँ खुद नाफा कमाएको थियो।
बैंकले आर्थिक वर्ष २०८०/८१मा प्रावधान रकम ६ अर्ब देखाएकोमा गत आर्थिक वर्ष २०८१/८२ मा भने २ अर्ब मात्र देखिएकोले नाफामा उछाल देखिएको हो।
यो अवधिमा बैंकको खुद ब्याज आम्दानी करिब सात प्रतिशतले बढेर ११ अर्ब ५५ करोड पुगेको छ। बैंकको प्रतिसेयर आम्दानी पनि बढेको छ।
बैंकको यस्तो आम्दानी बढेर आठ रूपैयाँ ०६ पैसा पुगेको छ। असार मसान्तसम्ममा बैंकको वितरणयोग्य मुनाफा २ अर्ब ऋणात्मक छ।
सिद्धार्थ बैंक
सिद्धार्थ बैंकको वितरण योग्य नाफा तीन गुणा (दुई सय २० प्रतिशत) ले बढेर एक अर्ब ८६ करोड रूपैयाँ पुगेको छ।
बैंकले प्रकाशित गरेको आर्थिक वर्ष २०८१/८२ को चौथो त्रैमासिक वित्तीय विवरणले यस्तो देखाएको हो।
अघिल्लो आर्थिक वर्ष २०८०/८१ बैंकको यस्तो वितरण योग्य नाफा ५८ करोड रूपैयाँ थियो। बैंकले आर्थिक वर्ष २०८१/८२ को नाफा पछि १३.२२ प्रतिशत लाभांश वितरण गर्न सक्ने देखिएको छ।
बैंकको नाफा भने तीन अर्ब आठ करोडबाट बढेर तीन अर्ब ३९ करोड रूपैयाँ पुगेको छ। नाफा १०.२४ प्रतिशतले वृद्धि भएको हो।
बैंकको खुद ब्याज आम्दानी ६.४३ प्रतिशतले बढेर आठ अर्ब ४४ करोड रूपैयाँ पुगेको छ। सेवा शुल्क तथा अन्य आम्दानीमा पनि १५.०९ प्रतिशतले वृद्धि भएर एक अर्ब ६४ करोड रूपैयाँ पुगेको हो।
बैंकको सञ्चालन आम्दानी ११.८२ प्रतिशतले बढेर ११ अर्ब १६ करोड रूपैयाँ पुगेको छ। बैंकको खराब कर्जा सुधार भएर २.६२ प्रतिशतमा सीमित भएको छ।
बैंकको प्रतिसेयर आम्दानी २४ रूपैयाँ एक पैसा छ। प्रतिसेयर नेटवर्थ दुई सय १९ रूपैयाँ ९७ पैसा छ।
कृषि विकास बैंक
गत आर्थिक वर्ष २०८१/८२ मा कृषि विकास बैंकले चार अर्ब १५ करोड नाफा कमाएको छ।
बैंकले सार्वजनिक गरेको अपरिष्कृत वित्तीय विवरणले यस्तो देखाएको हो।
अघिल्लो आर्थिक वर्षको यही अवधिको तुलनामा यो ४४ प्रतिशतले बढेको हो। अघिल्लो आर्थिक वर्षमा बैंकले दुई अर्ब ८९ करोड रूपैयाँ खुद नाफा कमाएको थियो।
बैंकले आर्थिक वर्ष २०८०/८१मा प्रावधान रकम दुई अर्ब १५ करोड देखाएकोमा गत आर्थिक वर्ष २०८१/८२ मा भने १० करोड मात्र देखिएकोले नाफामा उछाल देखिएको हो।
यो अवधिमा बैंकको खुद ब्याज आम्दानी करिब सात प्रतिशतले घटेर ९ अर्ब ८२ करोडमा सीमित भएको छ। बैंकको प्रतिसेयर आम्दानी पनि बढेको छ।
बैंकको यस्तो आम्दानी बढेर २७ रूपैयाँ ०६ पैसा पुगेको छ। असार मसान्तसम्ममा बैंकको वितरणयोग्य मुनाफा २ अर्ब ८७ करोड रूपैयाँ छ। बैंकहरू वितरण योग्य लाभांश १८.४२ प्रतिशत छ।
सिटिजन्स बैंक
गत आर्थिक वर्ष २०८१/८२ मा सिटिजन्स बैंकले एक अर्ब २९ करोड नाफा कमाएको छ।
बैंकले सार्वजनिक गरेको अपरिष्कृत वित्तीय विवरणले यस्तो देखाएको हो।
अघिल्लो आर्थिक वर्षको यही अवधिको तुलनामा यो दुई प्रतिशतले घटेको हो। अघिल्लो आर्थिक वर्षमा बैंकले एक अर्ब ३२ करोड रूपैयाँ खुद नाफा कमाएको थियो।
बैंकले आर्थिक वर्ष २०८०/८१मा प्रावधान रकम एक अर्ब ७२ करोड देखाएकोमा गत आर्थिक वर्ष २०८१/८२ मा भने दुई अर्ब ६७ करोड देखिएकोले नाफा घटेको हो।
यो अवधिमा बैंकको खुद ब्याज आम्दानी भने करिब १२ प्रतिशतले बढेको छ। बैंकको यस्तो आम्दानी ६ अर्ब ३६ करोड रूपैयाँ छ।
बैंकको प्रतिसेयर आम्दानी पनि केही घटेको छ।
बैंकको यस्तो आम्दानी बढेर आठ रूपैयाँ ७६ पैसा छ। असार मसान्तसम्ममा बैंकको वितरणयोग्य मुनाफा ७७ करोड रूपैयाँ छ। बैंकहरू वितरणयोग्य लाभांश ५.२५ प्रतिशत छ।
| बैंक |
वितरण योग्य नाफा रकम करोडमा |
लाभांश क्षमता % |
| असार २०८२ |
असार २०८१ |
असार २०८२ |
| सिटिजन्स बैंक |
७७ |
६१ |
५.२५ |
| कुमारी बैंक |
-२७९ |
-५३६ |
|
| माछापुच्छ्रे बैंक |
१०७ |
-३५ |
९.२३ |
| सिद्धार्थ बैंक |
१८६ |
५८ |
१३.२२ |
| कृषि विकास बैंक |
२८७ |
२१३ |
१८.४२ |
-1754812957.jpeg)
-1746009348.jpg)
