आगामी कात्तिकको लागि बैंकहरूले मुद्दती निक्षेप ब्याजदर सामान्य घटाएका छन्।
असोजको लागि वाणिज्य बैंकहरूले मुद्दती निक्षेपमा औसत ६.४ प्रतिशत ब्याजदर दिइरहेकामा यस्तो ब्याजदर घटेको हो।
बैंकहरूले कात्तिकका लागि प्रस्ताव गरेको औसत ब्याजदर ६.१४ प्रतिशत छ। एउटा बैंकले भने ब्याजदर बढाको छ।
सानिमा बैंकको ब्याजदर सामान्य बढेको हो।
१० वटा बैंकको ब्याजदर सामान्य घटेको छ। बाँकीको स्थिर छ। अहिले सबैभन्दा धेरै ब्याजदर एनआइसी एशिया बैंकले दिने भएको छ। बैंकले ६.९९ प्रतिशतसम्म ब्याज दिने भएको हो।
कर्जाको वृद्धिदर समान्य रहेपछि धेरै बैंकहरूले लागत घटाउन निक्षेपको ब्याजदर केही भए पनि घटाएका हुन्। चाडपर्वको कारण कर्जा माग बढ्न सकेको छैन।
बैंकहरूले साधारण बचतको ब्याजदर न्यूनतम ३ प्रतिशतसम्म पनि दिइरहेका छन्।
अहिले कर्जा लगानी नभएको कारण बैंकहरूले धेरै भएको रकम राष्ट्र बैंकमा २.९९ प्रतिशतमा राखिरहेका छन्।
| बैंक | कात्तिककोलागिब्याजदर (प्रतिशतमा) | असोजको लागिब्याजदर (प्रतिशतमा) |
| एनएमबी | ६.५ | ६.५ |
| एनआइसी एसिया | ६.९९ | ७.१८ |
| सिटिजन्स बैंक | ६ | ६.१५ |
| हिमालयन बैंक | ६.२५ | ७ |
| माछापुच्छ्रे बैंक | ६.५ | ६.५ |
| नबिल बैंक | ६.२५ | ६.७५ |
| सिद्धार्थ बैंक | ६ | ६.५ |
| प्राइम कमर्सियल | ६ | ७.२५ |
| सानिमा बैंक | ६.१५ | ५.९ |
| कुमारी बैंक | ६.०१ | ६.०१ |
| प्रभु बैंक | ६.१ | ६.१ |
| लक्ष्मी सनराइज बैंक | ६ | ६.५ |
| ग्लोबल आइएमई बैंक | ६.२५ | ६.२५ |
| स्ट्यान्डर्ड चार्टर्ड बैंक | ६.५ | ७ |
| एभरेष्ट बैंक | ६ | ६ |
| नेपाल इन्भेष्टमेन्ट बैंक | ६.५ | ६.५ |
| नेपाल बैंक | ५.९५ | ५.९५ |
| राष्ट्रिय वाणिज्यबैंक | ५.८ | ६ |
| नेपाल एसबिआई बैंक | ६ | ६ |
| कृषि विकासबैंक | ५.७५६ | ६.०७ |
| औसत | ६.१४ | ६.४ |
