भारतीय निर्देशक सन्दीप रेड्डी वांगाको फिल्म 'स्पिरिट' मा अभिनेत्री दीपिका पादुकोणलाई तृप्ति डिमरीले रिप्लेस गरेकी छन्।
भारतीय सञ्चारमाध्यम दैनिक जागरणका अनुसार दीपिकाले अस्वाभिक माग राखेपछि निर्देशक सन्दीपले यो निर्णय लिएका हुन्। निर्माण टिमले आधिकारिक रूपमा तृप्ति डिमरीको नाम घोषणा गरेका छन्।
अभिनेत्री तृप्तिले पनि आफ्नो इन्स्टाग्राममार्फत उक्त जानकारी दिएकी छन्।
'अझै विश्वास भइरहेको छैन। यस यात्रामा सामेल हुन पाउँदा आभारी छु। धन्यवाद सन्दीप रेड्डी वांगा। तपाईको भिजनमा सहभागी हुन पाउँदा सम्मानित महसुस गरिरहेकी छु,' उनले लेखेकी छन्।
तृप्ति र सन्दीपले यसअघि 'एनिमल' मा काम गरिसकेका छन्। यसै फिल्मबाट तृप्तिले चर्चा पाएकी थिइन्। तर तृप्ति पहिलो पटक प्रभाससँग स्क्रीन सेयर गर्दैछिन्।
हाल यो फिल्मको प्रि-प्रोडक्सनको काम चलिरहेको छ। फिल्ममा भूषण कुमारको लगानी रहनेछ।
