बलिउड अभिनेता अक्षय कुमारको फिल्म 'कन्नप्पा' को रिलिज डेट तय गरिएको छ।
आइतबार एक पोस्टर सार्वजनिक गर्दै फिल्मको रिलिज डेट तय गरिएको हो। यो फिल्म जुन २७ अर्थात असार १३ गतेदेखि रिलिज हुनेछ।
यो अक्षयको पहिलो तेलुगु फिल्म हो। फिल्ममा उनले महादेवको भूमिका निर्वाह गरेका छन्। फिल्ममा अक्षयसँगै विष्णु मन्चु, मोहनलाल, प्रभास, नयनतारा, काजल अग्रवाल, प्रीति मुकुन्दनलगायत कलाकारको मुख्य भूमिका छ।
यो एक शिव भक्तको कहानी हो, जुन पहिला नास्तिक थिए। तर उनी एक दिन भगवान शिवको भक्त बन्छन्। फिल्ममा कन्नप्पाको भूमिका विष्णु मन्चुले निर्वाह गरेका छन्।
