दक्षिण भारतीय अभिनेता रजनीकान्त फिल्म 'जेलर २' को कारण चर्चामा छन्।
यसैबीच फिल्ममा तेलुगु सुपरस्टार नन्दमूरी बालकृष्ण अनुबन्धित भएका छन्। बालकृष्ण यस फिल्मको एक खास भूमिकाका लागि अनुबन्धित भएका हुन्। जसका लागि उनले महँगो पारिश्रमिक लिएका छन्।
भारतीय सञ्चारमाध्यम दैनिक जागरणका अनुसार 'जेलर २' का निर्माता सन पिक्चर्सले नन्दमूरी बालकृष्णलाई २० दिनको छायांकनको लागि ५० करोड भारू दिएका छन्। फिल्ममा बालकृष्ण एक पुलिस अधिकारीको भूमिकामा देखिनेछन्।
नेल्सन दिलीपकुमारले निर्देशन गरिरहेको फिल्ममा रजनीकान्त, नन्दमूरी बालकृष्ण, राम्या कृष्णन (विजया), मिरना मेनन, योगी बाबूलगायत कलाकारको अभिनय रहनेछ।
यो फिल्म २०२६ मा रिलिज हुनेछ।
