बाल गायक रबिभ केसीको स्वर रहेको 'जुन मात्र होइन जीवन' बोलको गीत सार्वजनिक भएको छ।
भर्खरै १० औँ वर्षमा प्रवेश गरेका रबिभको यो पहिलो गीत हो।
गायनमा विशेष रुची भएका रबिभले बजारमा चलेका गीतहरू शुर र तालमा गाउने गर्थे। उनका २ गीतको रेकर्डिङ कार्य प्रक्रियामै छ।
धापासी निवासी रबिभ मेरिडियन इन्टरनेशनल स्कूलमा कक्षा ५ मा अध्ययनरत छन् । संगीतको कक्षा लिने चाहना भए पनि पढाइले चाहना पुरा हुन नसकेको उनका बाबु रबिनले बताए ।
योगेन्द्रमणी दाहालले लेखेका उक्त गीतमा मानव जीवनमा आइपर्ने उतारचढावको चर्चा गरिएको छ।
आदेश गुर्मछानले संगीत भरेका छन् भने गीतको भिडियो हर्श प्रोडक्शनले तयार पारेको हो।
https://youtu.be/usON4t12nLc
