एएफसी एसियन कप छनोटमा नेपालले लगातार पाँचौ खेलमा पराजय भोगेको छ।
समूह ‘एफ’ मा लगातार पराजयपछि बाहिरिसकेको नेपाल आफ्नो पाँचौ खेलमा मंगलबार मलेसियासँग १-० गोलले पराजित भएको हो। मलेसियाका लागि फैसल हालिमले खेलको ५६ मिनेटमा गोल गरेका थिए।
मलेसियाविरूद्धको यो खेल घरेलु मैदानमा खेल्नु पर्ने भए पनि दशरथ रंगशालाले अन्तर्राष्ट्रिय मान्यता नपाउँदा उक्त खेल मलेसियमै खेल्नु बाध्य भएको हो।
एसियन कप छनोटका यसअघिका चार खेलमा लगातार पराजित हुँदा नेपाल बाहिरिएको थियो।
नेपालले मलेसियासँग र भियतनामसँगका दुवै खेल गुमाउँदा लाओससँगको एक खेलमा पराजय भोगेको थियो।
अब नेपालले छनोटमा अन्तिम खेल लाओससँग मार्चमा खेल्ने तय छ। उक्त खेल पनि घरेलु मैदानमा खेल्नु पर्ने भए पनि घरेलु मैदानले अन्तर्राष्ट्रिय मान्यता पाउने पक्का छैन।
-1746009348.jpg)
