सुजुकीको ‘डिजायर’ आकर्षक अवतारमा

सेतोपाटी संवाददाता

काठमाडौं, साउन ३१

सुजुकी कारको आधिकारिक विक्रेता सीजी मोटोकर्पले बिक्री संख्याका आधारमा अग्रणी डिजायर मोडलको फेसलिफ्ट भर्जन सार्वजनिक गर्ने तयारी गरेको छ।

सार्वजनिक गर्ने तयारीमा रहेको नयाँ डिजायरमा पहिले सुजुकीको बलेनोमा प्रयोग गरिएको हियरटेक च्यासिस प्लेट फर्मको प्रयोग गरिएको सिजी मोटोकर्पले जनाएको छ।

नयाँ प्लेटफर्मले कारको वजनमा कमी ल्याउनुका साथै यसमा सवार यात्रीलाई थप सुरक्षा प्रदान गर्ने कम्पनीको दावी छ। कारमा प्रयोग गरिएको बाह्य तथा भित्री डिजाइन पछिल्लो संस्करणका तुलनामा थप स्टाइलिस छ।

कम्पनीले पछिल्लो संस्करणको तुलनामा नयाँ कारमा बुटस्पेस पनि धेरै हुने बताएको छ। नयाँ कारमा किलेस एण्ट्रि, डीआरएल, रियर भेण्ट सहितको अटोएसी, डायमण्ड कट अलोइज तथा स्टेट अफ आर्ट ईन्फोटेनमेण्ट प्रणाली लगायत अत्याधुनिक सुविधा तथा प्रविधि जडान गरिएको छ।

यसमा प्रयोग गरिएको ईन्फोटेनमेण्ट प्रणालीमा दिइएको एण्ड्रोइड अटो सुविधा भारतीय निर्मित कारमै पहिलो भएको कम्पनीको दावी छ। ठूलो टच स्क्रिनको माध्यमबाट एप्पल कार प्ले सुविधा पनि उपलब्ध रहेको बताइएको छ। कारमा यात्रुको सुविधार्थ डुअल एयर ब्याग्स तथा सबै भेरियन्टमाझैँ स्ट्याण्डर्ड सेफ्टी फिचरका रुपमा एबीएस पनि उपलब्ध छ।

परिक्षणमा पूर्ण सफल के १२ ईञ्जिनको प्रयोग यसमा गरिएको छ। २२ किलोमिटर प्रति लिटर माइलेज दिने क्षमता सहितको यो ईञ्जिन पावर र माइलेजका लागि विशेष परिचित छ।

संक्षेपमा हेर्नुहोस् कारका विशेषता:

		Suzuki
S.N	Particulars	New Dzire

A	Dimensions
	Length (mm)	3995
	Width (mm)	1735
	Height (mm)	1515
	Wheelbase (mm)	2450
	Ground Clearance (mm)	163

B	Engine
	Engine Type	1.2 Lt VVT K12
	Engine Capacity	1197
	Max power Ps	83 ps @ 6000 rpm
	Max Torque (Nm)	113 @ 4200 rpm
	No. of Cyclinder	4
	Fuel Efficiency (km/Lt)	22

C	Transmission
	Type	5MT

D	Brakes
	Front	Disc
	Back	Drum

E	Steering
	Steering Type	Electric , Rack and Pinion
	Turning Radius (mm)	4.8

F	Suspension
	Front	Macphersion Strut
	Rear	Torsion Beam

G	Otherws
	Fuel Tank Capacity (ltrs)	37
	Kerb weight (Kg)	895
	Seating Capacity	5
	Boot Space	378
	Tyre Size	165/80 R14
		185/65 R15