नेपालका लागि होण्डा गाडीको आधिकारिक विक्रेता स्याकार ट्रेडिङ कम्पनीले ग्राहकको सुरक्षालाई प्राथमिकता दिँदै ‘सेफ्टी रिकल’ अभियान सुरू गरेको छ।
यस अभियान अन्तर्गत सन् २००१ देखि २०१४ सम्मका मोडेलका होण्डा गाडीहरूमा रहेका एयरब्याग पूर्ण रूपमा निःशुल्क परिवर्तन गरिनेछ।
यो अभियान होण्डा मोटर कम्पनी, जापानको विश्वव्यापी सुरक्षा पहलको एक हिस्सा हो, जसको उद्देश्य पुराना गाडीमा देखिन सक्ने एयरब्याग इन्फ्लेटरसम्बन्धी प्राविधिक समस्या समाधान गरी यात्रालाई थप सुरक्षित बनाउनु हो।
अभियानमा ज्याज, अकर्ड, सिआर–भी, सिभिक, सिटी र स्ट्रिम मोडलका गाडीहरू समावेश छन्।
कम्पनीले दक्ष प्राविधिकमार्फत एयरब्याग निःशुल्क परिवर्तन सेवा उपलब्ध गराउने जनाएको छ।
स्याकार ट्रेडिङले सम्बन्धित गाडी धनीहरूलाई आफ्नो गाडी अभियानमा पर्छ वा पर्दैन भनेर नजिकको आधिकारिक सर्भिस सेन्टरमा सम्पर्क गरी अपोइन्टमेन्ट लिन अनुरोध गरेको छ।
-1746009348.jpg)
