कीर्तिपुरको त्रिवि परिसरमा आजभोलि साविकको भन्दा चहलपहल बढेको छ। चहलपहल बढ्नुको प्रमुख कारण त्रिवि क्रिकेट मैदानमा भइरहेको सिद्धार्थ बैंक नेपाल प्रिमियर लिग हो।
रंगशालाभित्र एनपिएलको रौनक भएता पनि रंगशाला बाहिर भने बजार लागेको छ। व्यापारीहरू नेपालको र विभिन्न टिमका झण्डा, ब्याच, स्टिकर, बेच्न बसिरहेका छन्। कोही खेल हेर्न आउने दर्शकको लागि खाजाका विभिन्न परिकारहरू बनाइरहेका छन्।
दर्शकहरू एनपिएल हेर्न जाँदा बाहिर व्यवसाय गर्नेहरूको संख्या पनि उत्तिकै छ।
खेल खेल्न आउँदा आउँदै मान्छे भोकाउन र तिर्खाउने हुँदा सोही मौका छोपेर व्यवसाय गरेको २२ वर्षीया कोमल खत्री बताउँछिन्।
'यतिकै घरमा बस्नुभन्दा यहाँ केही दिन काम गरेर दुई चार रुपैयाँ आम्दानी गर्न सकिन्छ भनेर व्यापार सुरू गरेकी छु,' उनले भनिन्, 'व्यापार सोचेभन्दा राम्रो चलिरहेको छ।'
स्नातक पढिरहेकी कोमलले एनपिएलभरी मात्र व्यापार गर्ने बताइन्।। त्यसपछि पुन: पढाइमा नै केन्द्रित हुने उनको योजना छ।
यस्तै १२ कक्षा उत्तीर्ण गरेका २० वर्षीय सन्देश गुबाजु पनि गोरखाबाट एनपिएलमा झण्डा बेच्नकै लागि भनेर कीर्तिपुर पुगेका छन्।
उनले चटपटे, चाउचाउ, पानी, चिजबल कुरकुरे लगायत खाने सामग्री राखेका छन्। सँगै हेल्मेट सुरक्षित राखिदिन्छन्। तर एउटा हेल्मेट राखेबापत् उनी एक सय रूपैयाँ लिन्छन्।
'दाइहरूले जाम् भनेर म पनि झण्डा बेच्न काठमाडौं आएँ,' उनले भने, 'एनपिएल भइन्जेल झण्डा बेच्छु, त्यसपछि कलेज जोइन गर्नुपर्ला।'
झण्डा, ब्याच, स्टिकर लगायत विभिन्न सामग्री राख्ने गरेको उनी बताउँछन्।
जेनजी आन्दोलनपछि धरासय बनेको बजार एनपिएलले केही हद भए पनि उकास्ने उनको भनाइ छ। एनपिएलले धेरैलाई कमाइ खाने वातावरण बनाइदिएकोमा उनी खुसी प्रकट गर्छन्।
तस्बिरहरू:
-1763639494.jpg)
-1763639492.jpg)
-1763639493.jpg)
-1763639491.jpg)
-1763639488.jpg)
-1763639489.jpg)
-1763639489.jpg)
-1763639491.jpg)
-1763639488.jpg)
-1763639485.jpg)
-1763639485.jpg)
-1763639482.jpg)
-1763639483.jpg)
-1763639477.jpg)
-1763639477.jpg)
-1763639482.jpg)
-1746009348.jpg)
