अशोक लेल्याण्डको आधिकारिक विक्रेता आइएमई मोटर्सले ‘उत्सबको बहार दमदार गाडिको बेजोड उपहार’ नामक योजना ल्याएको छ।
नजिकिँदै गरेका चाडपर्वलाई मध्यनजर गर्दै ल्याइएको यस योजनाअन्तर्गत बस, ट्रक तथा ट्रिपरहरुका कुनै पनि मोडलको खरिद गर्दा सुनिश्चित उपहार प्रदान गरिने अशोक लेल्याण्डले जनाएको छ।
कम्पनीका अनुसार यस अफरमा खरिद गर्ने सवारीको सङख्या तथा चाहनाअनुरुपको उपहार रोज्न पाइने छ। आइफोन सेभेन प्लस, ९.७ इन्चको आइप्याड, सोनीको ५० इन्च एचडी स्मार्ट टिभी, सामसुङ वासिङ मेसिन, २.५७ तोलाको सुनको क्वाइन, पावरम्याक्स स्कुटर, एक जनालाई ४ रात तथा ५ दिनको मौरिसियस भ्रमण वा म्याक बुक प्रो १३ इन्चमध्ये एक छनोट गर्न पाइने छ।
साथै, कुनै पनि दुई थान गाडीको खरिदमा म्याक बुक प्रो १३ इन्च, आइफोन सेभेन प्लस, ९.७ इन्चको आइप्याड, सोनीको ५० इन्च एचडी स्मार्ट टिभी, सामसुङ वासिङ मेसिन, फ्रिज, ५.१४ तोलाको गोल्ड क्वाइन, यूएम कमाण्डो बाइक वा एक जोडीलाई ४ रात तथा ५ दिनको मौरिसियस भ्रमणमध्ये कुनै एक छनोट गर्न पाइने कम्पनीले जनाएको छ।
यस योजना अशोक लेलैण्डका बस, ट्रक तथा ट्रिपरहरुका कुनै पनि मोडलको खरिदमा देशभर भदौ ३१ सम्म लागू हुने बताइएको छ।
