अटोमोबाइल समुह एमएडब्लु वृद्धिले इभी (विद्युतिय) मेला आयोजना गर्ने भएको छ।
शुक्रबार देखि देशभरका दिपल, नामी र सेरेसका अधिकृत सोरुमहरूमा एकैसाथ चाडपर्व लक्षित मेगा एक्सचेन्ज कार्निभल आयोजना गर्ने भएको हो।
तीन दिनसम्म चल्ने यस मेलामा ग्राहकहरूले आफ्ना पुराना सवारीसाधन साटेर नेपालमै उपलब्ध स्टाइलिस र टेक्नोलोजिकल्ली एड्भान्स्ड विद्युतीय सवारीसाधन (इभी) मा अपग्रेड गर्ने अवसर पाउनेछन्।
मुख्य कार्यक्रममा सहभागीहरूले दिपल, अवतार, नामी र सेरेसका चर्चित मोडलहरू एउटै स्थलमा अवलोकन गर्ने र टेस्ट ड्राइभ गर्ने सुविधा पाउने छन्।
मेलामा सबै उमेर समूहका लागि आकर्षक गतिविधिहरू रहनेछन्। आगन्तुकहरूले ह्युमनोइड रोबोट शो, कार रेसिङ सिमुलेटर, किड्स जोन, इनडोर गेम तथा रिफ्रेसमेन्टको मज्जा लिन सक्नेछन्।
ग्राहकहरूले आफ्ना पुराना गाडीहरूको मूल्यांकन नेपालका शीर्ष पाँच रिकन्डिसन हाउसमार्फत गराउन सक्नेछन्। साथै, एक्सचेन्जमा बोनस र नगद छुटमार्फत निश्चित मोडलहरूमा १५ लाख रुपैयाँसम्मको लाभ पाउन सक्ने व्यवस्था मिलाइएको छ।
कार्यक्रममा बुकिङ गर्ने प्रत्येक ग्राहकले नगरकोटस्थित प्रिमियम रिसोर्टमा दुई जनाका लागि नाइट स्टेको अफर पनि पाउनेछन्।
मेलामा पहिलो पटक अल्ट्रा प्रिमियम इलेक्ट्रिक एसयूभी अवतारलाई टेस्ट ड्राइभ गर्न सकिनेछ।
त्यस्तै, नाडा अटोशोमा सबैको ध्यान खिच्न सफल दिपल एस–०५ र सेग्मेन्ट फस्ट सुविधाले भरिएको नामी भिगो पनि प्रदर्शनमा रहनेछन्।
काठमाडौं बाहेक देशभरका दिपल, नामी र सेरेसका सम्पूर्ण सोरुमहरूमा पनि समानान्तर रूपमा यो एक्सचेन्ज कार्निभल आयोजना हुने आयोजकले जानकारी दिएको छ। जहाँ ग्राहकहरूले एक्सचेन्ज सुविधा, नगद छुट र आकर्षक अफरहरू पाउनेछन्।
-1759839533.jpg)
-1746009348.jpg)
