काठमाडौं जिल्ला प्रशासन कार्यालयले राइड सेयरिङ एपका चालकहरूलाई यात्रुसँग चर्को मूल्य नलिन अनुरोध गरेको छ।
शनिबार प्रकाशसीय अधिकृत सुजनकुमारी बर्देवाले सूचना जारी गर्दै कसैलाई पनि नठग्न अनुरोध गरेकी हुन्।
दसैं र वर्षासँगै इन्ड्राइभ, पठाओ, यांगो लगायत राइड सेयरिङ गर्ने चालकहरूले साविक भन्दा अत्यन्त चर्को मूल्य लिएको गुनासो आएको प्रशासनले जनाएको छ।
'यसरी कसैलाई ठगी नगर्नू, नगराउनु हुन अनुरोध छ। कसैले यस्तो किसिमको ठगी गरेको भए आवश्यक प्रमाणसहित यस जिल्ला प्रशासन कार्यालयमा पेस गर्नु हुन सम्बन्धित सबैलाई आह्वान गरिएको छ,' प्रशासनले भनेको छ।
ठगी गर्नेलाई कडा कारबाही गर्ने चेतावनी प्रशासनले दिएको छ।
-1746009348.jpg)
