बजारमा कुरिलोको भाउ बढेको छ। कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
सोमबार कालीमाटी बजारमा कुरिलोको थोक मूल्य प्रतिकिलो ८ सय ५० देखि एक हजार रूपैयाँसम्म छ।
व्यवसायीका अनुसार गुणस्तर र आपूर्तिका आधारमा कुरिलोको मूल्यतय हुन्छ। आकारका आधारमा यो सानो र ठूलो गरी दुई प्रकारका हुन्छन्।
अहिले कुरिलोको सिजन होइन, त्यसैले मूल्य बढी छ।
एक महिनाअघि कालीमाटी बजारमा कुरिलोको थोक मूल्य ४ सय ५० देखि पाँच सय रूपैयाँ थियो।
कुरिलो एक प्रकारको औषधिजन्य वनस्पति हो। विशेषगरी यसको टुसाको सुप बनाएर खाने गरिन्छ।
कुरिलो खानाले शरीरलाई शक्ति दिनुका साथै रक्तपित्त, दुर्बलता हटाउन तथा महिनावारी गडबडीको समस्या समाधानका लागि उपयोगी हुन्छ।
कुरिलोलाई तरकारी बनाएर तथा सुप बनाएर खानाले शरीर दुखेको निको हुन्छ। कुरिलोमा प्रशस्त मात्रामा भिटामिन, प्रोटिन तत्व पाइन्छ।
-1763106181.jpg)
-1746009348.jpg)
