बजारमा सुकेको प्याजको भाउ घटेको छ। कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
आइतबार कालीमाटी बजारमा सुकेको प्याज प्रतिकिलो थोक मूल्य ३३ देखि ३४ रूपैयाँमा कारोबार भइरहेको छ। अघिल्लो दिनको तुलनामा यो प्रतिकिलो दुई रूपैयाँ सस्तो हो।
गत शुक्रबार कालीमाटी बजारमा सुकेको प्याज प्रतिकिलो थोक मूल्य ३५ देखि ३६ रूपैयाँमा कारोबार भएको थियो।
एक साताअघि कालीमाटी बजारमा प्याजको थोक मूल्य प्रतिकिलो ३७ देखि ३९ रूपैयाँमा कारोबार भएको थियो।
आपूर्तिका आधारमा प्याजको भाउ घटबढ हुन्छ। अहिले बजारमा स्वदेशी प्याज नगन्य मात्रामा छ। भारतीय प्याजले माग धानेको छ।
भारतीय बजारमा प्याजको मूल्य घटबढ हुँदा यहाँ पनि मूल्य घटबढ हुने व्यवसायीहरूको भनाइ छ।
व्यवसायीहरूका अनुसार प्याजको भाउमा अन्य तरकारीको जस्तो धेरै अन्तरको घटबढ हुँदैन।
-1763106181.jpg)
-1746009348.jpg)
