जेनजी आन्दोलनका क्रममा भएको क्षतिको पुनर्निर्माणमा गैरआवासीय नेपाली संघ (एनआरएनए) सक्रिय हुने भएको छ।
एनआरएनएका पदाधिकारी सहितको टोलीले संघीय संसद भवन बानेश्वरको अवलोकन गरेको छ भने पुनर्निर्माणमा सहयोग गर्ने प्रतिबद्धता जनाएको छ।
संघकी अध्यक्ष रोजीना प्रधान राई र प्रमुख कार्यकारी निर्देशक राजेन्द्र कुमार राउतको नेतृत्वमा पुगेको टोलीले संसद भवनमा पुगेको क्षति अवलोकन गरेको छ। टोलीमा संघका सचिव स्वतन्त्र प्रताप शाहसहित केन्द्रीय कार्यालयका अन्य कर्मचारीहरूको समेत उपस्थिति थियो।
टोलीले अन्तर्राष्ट्रिय सम्मेलन केन्द्र विकास समितिसँग समेत छलफल गरेको थियो।
छलफलमा यसको अस्थायी संरचनाका लागि र स्थायी संरचनाका लागि एनआरएनएले सहयोग गर्न तयार रहेको प्रतिबद्धता जनाएको उपाध्यक्ष रोजिना प्रधान राइले सेतोपाटीलाई बताइन्।
'यसको पुनर्निरमाणका लागि कस्तो योजना हुन्छ त्यसका आधारमा हामीले यसबारे छलफल गर्छौ। हामीले केही न केही सहयोग गर्ने प्रतिबद्धता जनाएका छौ।
'उपाध्यक्ष राइले भनिन,'पहिला अस्थायी संरचना बनाउन जरुरी छ।स्थायी संरचनाको लागि हामीले प्रस्ताव तयार पारेर कसरी काम गर्न सकिन्छ हामी विश्वभर रहेका साथीहरुलाई प्रताव पठाउछौं,' उनले भने।
प्रारम्भिक चरणमा स्थलगत अवलोकन गरिने र त्यसपछि सरकारको निर्देशनअनुसार पुनर्निर्माणमा सहयोग गर्ने तयारी भइरहेको एनआरएनए अध्यक्ष बद्री केसीले बताए।
महाभूकम्प, कोरोना महामारी र विभिन्न प्राकृतिक विपत्तिका बेला सक्रियरूपमा सहयोग गर्दै आएका गैरआवासीय नेपालीहरूले यसपटक पनि देशको पुनर्निर्माणमा योगदान गर्ने तयारी गरेको संघले जनाएको छ।
-1758107792.jpg)
-1746009348.jpg)
