भारतिय सुपरस्टार अभिनेता रजनीकान्तको आगामि फिल्म 'काला'को टिजर रिलिज भइसकेको छ। सार्वजनिक भएको टिजरको तमिल संस्करणले यूट्यूबमा आक्रामक भ्यूज पाउन सफल भएको छ। रिलिज भएको ३ दिनमा टिजरले १ करोड ९ लाख भन्दा बढि भ्यू पाउन सफल भएको छ। यस्तै हिन्दी संस्करणले पनि १० लाख बढिको भ्यू बटुल्न सफल भएको छ।
सदाझै यस फिल्मको टिजरमा रजनी स्टाइलिस देखिएका छन्। उनी उमेर अनुसारको भूमिकामा देखिएका छन्। टिजरमा उनीसँगै बलिउड अभिनेता नाना पाटेकर पनि देखिएका छन्। त्यस्तै फिल्ममा बलिउड अभिनेत्री हुमा कुरैशीको पनि अभिनय रहेको छ।
https://www.youtube.com/watch?v=Wm_vSSlVsV4
फिल्ममा रजनी ग्याङ्स्टरको भूमिकामा देखिएका छन्। फिल्म मुम्बईका डन हाजी मस्तानको जीवनीमा आधारित रहेको चर्चा चले पनि फिल्म निर्माण पक्षले यसलाई अस्विकार गर्दै आइरहेको छ। फिल्मको सुटिङ अझै सकिएको छेन्। फिल्मको क्लाइमेक्स सुटिङका लागि चेन्नईमा ५ करोड भारूको सेट निर्माण भइरहेको छ। फिल्म यसै वर्ष अप्रिलमा रिलिज हुनेछ।
https://www.youtube.com/watch?v=pSnMt6h6zk0
