काठमाडौंमा सालकको खपटासहित २ जना पक्राउ परेका छन्।
खोटाङ दिप्रुङ चुईचुम्पा गाउँपालिका वडा-२ घर भई हाल काठमाडौं महानगरपालिका-६ जोरपाटी बस्ने वर्ष २९ को उमेश तामाङ र सिन्धुली तीनपाटन गाउँपालिका वडा-६ घर भई तारकेश्वर नगरपालिका वडा-७ बस्ने वर्ष ३० वर्षीय मोहन पुलामी मगर पक्राउ परेका हुन्।
उनीहरूलाई सोमबार साँझ ४ बजे काठमाडौं महानगरपालिका वडा-१६ बाट पक्राउ गरिएको हो।
अवैध रूपमा वन्यजन्तु सालकको खपटा खरिदबिक्री भइरहेको भन्ने सूचनाको आधारमा प्रहरी वृत्त, बालाजुबाट खटिएको प्रहरी टोलीले उनीहरूलाई नियन्त्रणमा लिएको जिल्ला प्रहरी परिसर काठमाडौंले जनाएको छ।
प्रहरीको अनुसार उमेश तामाङको साथबाट ७७० ग्राम सालकको खपटा बरामद गरिएको थियो। अनुसन्धानको क्रममा मोहन पनि पक्राउ परेका हुन्।
उनीमाथि आवश्यक कारबाहीका लागि डिभिजन वन कार्यालय काठमाडौं पठाइएको प्रहरीले बताएको छ।
-1755241369.jpg)
-1746009348.jpg)
