सोलुखुम्बुको लिखुपिके गाउँपालिकाको कार्यालयमा आगलागी भएको छ।
गाउँपालिकाले भाडामा लिएर कार्यालयको काम गर्दै आएको घरमा आइतबार दिउँसो १ बजे आगलागी भएको हो।
उक्त घर स्थानीय रूद्रबहादुर खत्रीको भएको गाउँपालिका अध्यक्ष मिना कार्की बस्नेतले जानकारी दिइन्।
उनकाअनुसार घरको माथिल्लो तल्लामा पालिकाले भाडामा लिएर रोजगार शाखा, नापी कार्यालयलगायतका सेवा दिँदै आइरहेको थियो।
एक्कासि आगो लागेको थियो। अहिले आगो निभाउने प्रयत्न भइरहेको पनि उनले बताइन्।
'विद्युतीय लाइन सर्ट भएर आगो लागेको अनुमान गरिएको छ, अहिलेसम्म आगो निभाउँदैछौं,' उनले भनिन्, 'पालिकासँग दमकल नहुँदा माटो र पानी हालेर निभाउने प्रयास भइरहेको छ।'
-1755241369.jpg)
-1746009348.jpg)
