नवलपरासी पश्चिमको पाल्हीनन्दन गाउँपालिका-३ की युवती हराएपछि दुई स्थानीय समूहबीच झडप भएको प्रहरी प्रारम्भिक अनुसन्धानमा खुलेको छ।
पुसको अन्तिमतिर सोही गाउँकी १६ वर्षीया किशोरी हराइरहेको भन्दै प्रहरीमा निवदेन परेको छ। उनीसँगै सोही गाउँका एक युवक पनि परिवारको सम्पर्कमा छैनन्। उनीहरू प्रेम सम्बन्धमा रहेको पनि सुन्नमा आएको जिल्ला प्रहरी कार्यालय नवलपरासी पश्चिमका प्रहरी निरीक्षक (इन्स्पेक्टर) नारायण थापाले जानकारी दिए।
'त्यही कारण हो कि होइन भन्ने पुष्टि हुन बाँकी छ। तर झगडाको एक कारण त्यो पनि देखिएको छ,' इन्स्पेक्टर थापाले भने, 'किशोरी र युवक दुवै परिवारको सम्पर्कमा नआएकाले के हो भन्न सक्ने अवस्था छैन।'
उनका अनुसार त्यही एकअर्कोलाई आरोप लगाएकाले दुई समूहबीच झडप भएको प्रारम्भिक अनुसन्धानमा खुलेको छ। सोमबार साँझ पनि उनीहरूबीच झगडा भएको थियो।
सोमबार पनि यही विषयलाई लिएर झडप भएको भनिएको छ। त्यही कुरालाई मिलाउन मंगलबार बिहान पुन: छलफल गर्न खोज्दा दुई समूहबीच झडप भएको हो।
मंगलबार बिहान पौने १० बजेदेखि सुरू भएको स्थानीयबीचको झडप दुई घन्टापछि प्रहरीको नियन्त्रणमा आएको इन्स्पेक्टर थापाले बताए।
उक्त झडपमा ५ राउन्ड अश्रु ग्यास र ३ राउन्ड हवाई फायर गरेपछि प्रहरीले नियन्त्रणमा लिएको हो। झगडा गर्ने ६ जनालाई प्रहरीले नियन्त्रणमा लिएको छ।
उनका अनुसार ५ जना सिभिल प्रहरी, १६ जना प्रहरी र ५ जना स्थानीय गरी २१ जना घाइते भएका छन्। झडपमा प्रहरीको गाडी, कवाड राखेको पसल पनि जलेका छन्।
-1755241369.jpg)
-1746009348.jpg)
