गृहमन्त्री रमेश लेखकले सहसचिव तीर्थराज भट्टराईलाई आफूले कुनै ठाउँबाट ल्याएर अध्यागमन कार्यालयमा नपठाएको बताएका छन्।
उनले संघीय संसद भवनको ल्होत्से हलमा बुधबार अपराह्न पत्रकार सम्मेलन गर्दै सहसचिव भट्टराई ०७७ सालदेखि नै गृह मन्त्रालयमा कार्यरत रहेको बताएका हुन्।
उनले भट्टराई गृह मन्त्रालयका महत्वपूर्ण जिम्मेवारीहरू सम्हालिसकेका व्यक्ति रहेको बताएका हुन्।
उनले सहसचिव भट्टराईलाई अध्यागनमा सरूवा गर्दा कसुरजन्य सम्पत्ति व्यवस्थापन विभागमा महानिर्देशकको रूपमा कार्यरत रहेको बताए।
‘उहाँ विभागको महानिर्देशक हुनुहुन्थ्यो। यसरी प्रस्तुत गरियो कि मैले कुनै ठाउँबाट याएर अचानक सरूवा गरेको होइन। कसैप्रति आग्रह पूर्वाग्रह राखेको छैन,’ उनले भने।
भट्टराई ०७७ सालमा सुरूमा जिल्ला प्रशासन कार्यालय गोरखामा कार्यरत रहेको उनले बताए। त्यतिबेला रामबहादुर थापा गृहमन्त्री रहेको र त्यसपछि उनकै कार्यकालमा महोत्तरीको सिडिओ भएको बताए।
त्यसपछि ०७८ सालमा राष्ट्रिय परिचय तथा पञ्जिकरण विभागको महानिर्देशक भएर कार्यरत थिए। त्यतिबेला गृहमन्त्री बालकृष्ण खाण रहेको उनको भनाइ छ।
०७८ पुसमा रवि लामिछाने गृहमन्त्री हुँदा मोरङमा प्रमुख जिल्ला भए गएको पनि उनले बताए।
त्यसपछि तत्कालीन प्रधानमन्त्री पुष्पकमल दाहाल 'प्रचण्ड' ले गृहमन्त्री सम्हालेको र नारायणकाजी श्रेष्ठ गृहमन्त्री हुँदा पनि हेटौंडास्थित बागमती प्रदेशमा सरूवा भएको पनि उनले बताए।
‘२०८० साउन ३ गते फेरि गृहमा आउनु भो। रविजी मन्त्री हुनुहुन्थ्यो। त्यहिबेला कसुरजन्य महानिर्देशक हुनुभयो,’ उनले भने, ‘अघि नै निवेदन गरिसकेँ। त्यही बेला अध्यागमन कार्यालय प्रमुखलाई कसुरमा महानिर्देशक बनाएर उहाँलाई अध्यागमनमा सरूवा गरेको हुँ। उहाँ निरन्तर ७७ सालदेखि काम गर्दै आउनुभएको छ।’
-1748432084.jpg)
