आर्थिक वर्ष २०८१/८२ मा सेयर लगानीकर्ताले चार गुणासम्म कमाएका छन्। नेपाल स्टक एक्सचेन्जले सार्वजनिक गरेको तथ्यांकले यस्तो देखाएको हो।
लगानीकर्ताले गत वर्ष १० वटा कम्पनीमा दुईदेखि चार गुणा नाफा हात पार्न सफल भएका छन्।
यी कम्पनीमा कर्पोरेट डेभलपमेन्ट बैंक प्रमुख स्थानमा छ। गत आर्थिक वर्षको पहिलो दिन २०८१ साउन १ गते कर्पोरेट डेभलपमेन्ट बैंकको सेयर प्रतिकित्ता पाँच सय ८६ रूपैयाँमा कारोबार भइरहेको थियो।
आर्थिक वर्षको अन्तिम कारोबार दिन २०८२ असार ३२ मा बैंकको सेयर दुई हजार चार सय ७६ मा कारोबार भयो। लगानीकर्ताले मूल्य अन्तरबाट एक हजार आठ सय ८९ रूपैयाँ अर्थात् लगानी रकमको चार गुणा प्रतिफल पाए।
एनआरएन इन्फ्रास्ट्रक्चर एण्ड डेभलपमेन्ट लिमिटेडमा लगानीकर्ताले यो अवधिमा प्रतिकित्तामा एक हजार पाँच सय ३१ रूपैयाँ कमाए। आर्थिक वर्ष सुरूमा सात सय ४८ रूपैयाँ रहेकोमा अन्तिम दिनको कारोबार दुई हजार दुई सय ७९ रूपैयाँमा भयो। लगानीकर्ताले तीन गुणा प्रतिफल पाए।
बुटवल पावर कम्पनीमा लगानीकर्ताले यो अवधिमा प्रतिकित्तामा ६ सय ४७ रूपैयाँ कमाए। आर्थिक वर्ष सुरूमा तीन सय १० रूपैयाँ रहेकोमा अन्तिम दिनको कारोबार नौ सय ५७ रूपैयाँमा भयो। लगानीकर्ताले तीन गुणा प्रतिफल पाए।
राधि विद्युत् कम्पनीमा लगानीकर्ताले यो अवधिमा प्रतिकित्तामा पाँच सय ४२ रूपैयाँ कमाए। आर्थिक वर्ष सुरूमा दुई सय ६८ रूपैयाँ रहेकोमा अन्तिम दिनको कारोबार आठ सय १० रूपैयाँमा भयो। लगानीकर्ताले तीन गुणा प्रतिफल पाए।
ग्रिन डेभलपमेन्ट बैंकमा लगानीकर्ताले यो अवधिमा प्रतिकित्तामा नौ सय ९५ रूपैयाँ कमाए। आर्थिक वर्ष सुरूमा चार सय ९१ रूपैयाँ रहेकोमा अन्तिम दिनको कारोबार एक हजार चार सय ८६ रूपैयाँमा भयो। लगानीकर्ताले तीन गुणा प्रतिफल पाए।
नारायणी डेभलपमेन्ट बैंकमा लगानीकर्ताले यो अवधिमा प्रतिकित्तामा एक हजार ७८ रूपैयाँ कमाए। आर्थिक वर्ष सुरूमा पाँच सय ६५ रूपैयाँ रहेकोमा अन्तिम दिनको कारोबार एक हजार ६ सय ४३ रूपैयाँमा भयो। लगानीकर्ताले करिब तीन (२.९०) गुणा प्रतिफल पाए।
सप्तकोशी डेभलपमेन्ट बैंकमा लगानीकर्ताले यो अवधिमा प्रतिकित्तामा ६ सय २२ रूपैयाँ कमाए। आर्थिक वर्ष सुरूमा चार सय ३० रूपैयाँ रहेकोमा अन्तिम दिनको कारोबार एक हजार ५२ रूपैयाँमा भयो। लगानीकर्ताले २.४४ गुणा प्रतिफल पाए।
सिइडिबी होल्डिङ्समा लगानीकर्ताले यो अवधिमा प्रतिकित्तामा एक हजार चार सय ८२ रूपैयाँ कमाए। आर्थिक वर्ष सुरूमा एक हजार एक सय ५९ रूपैयाँ रहेकोमा अन्तिम दिनको कारोबार दुई हजार ६ सय ४१ रूपैयाँमा भयो।
लगानीकर्ताले २.२७ गुणा प्रतिफल पाए।
युनाइटेड मोदी हाइड्रोपावरमा लगानीकर्ताले यो अवधिमा प्रतिकित्तामा तीन सय सात रूपैयाँ कमाए। आर्थिक वर्ष सुरूमा दुई सय ५६ रूपैयाँ रहेकोमा अन्तिम दिनको कारोबार पाँच सय ६३ रूपैयाँमा भयो। लगानीकर्ताले २.२० गुणा प्रतिफल पाए।
आत्मनिर्भर लघुवित्तमा लगानीकर्ताले यो अवधिमा प्रतिकित्तामा दुई हजार आठ सय पाँच रूपैयाँ कमाए। आर्थिक वर्ष सुरूमा दुई हजार सात सय २५ रूपैयाँ रहेकोमा अन्तिम दिनको कारोबार पाँच हजार पाँच सय ३० रूपैयाँमा भयो। लगानीकर्ताले २.०२ गुणा प्रतिफल पाए।
बजारमा सधै नाफा मात्रै हुँदैन। यो अवधिको शुरूमा लगानी गर्नेले केही सेयरमा लगानीकर्ताले ४९ प्रतिशतसम्म गुमाएका छन्।
बलेफी हाइड्रोपावरमा लगानीकर्ताले सबैभन्दा धेरै ४९ प्रतिशतले गुमाएका हुन्।
वर्ष शुरुमा चार सय १५ का कारोबार भइरहेको कम्पनीको सेयर अन्त्यमा भने दुई सय १० रूपैयाँमा कारोबार भएको थियो।
-1746009348.jpg)
