नयाँ स्टक एक्सचेन्ज ल्याउन दिने गरेर अर्थ समितिले विगतमा गरेको निर्णयले आफ्नो सात्तो गएको सांसद स्वर्णिम वाग्लेले बताएका छन्।
संघीय संसदको अर्थ समितिले आयोजना गरेको छलफलमा वाग्लेले यस्तो बताएका हुन्।
'जुन ढंगले २०८० कात्तिक २४ गते नयाँ स्टक ल्याउने विषयमा अर्थ समितिले सर्वसम्मत निर्णय गर्यो, त्यो दिन मेरो अर्थ समिति प्रति सात्तो गयो।'
उनले आफूले सो समय निर्णय गर्ने समयमा पनि नोट अफ डिसेन्ट लेखेको बताए।
अहिले नेप्सेलाई नै पुनरसंरचना गर्ने, सुधार गर्ने मुद्दा छाडेर किन नयाँ स्टक एक्सचेन्ज ल्याउन लगिएको भन्ने कुरा स्वभाविक नभएको पनि वाग्लेले बताए।
पूर्व अर्थमन्त्री डा. युवराज खतिवडाले भने जस्तै यो पोलिसी क्याप्चर भएको समेत बताए।
उनले २०८४ मा आफनो पार्टी निर्णायक भयो भने यो सबै खारेज गर्ने समेत बताए।
-1746009348.jpg)
