सिटिजन्स बैंक इन्टरनेसनलले आफ्नो संस्थागत सामाजिक उतरदायित्व कार्यक्रम अन्तर्गत हुम्ला जिल्ला सर्केगाड गाँउपालिका वडा नं ३ उनापानीमा भएको आगलागीमा परेका ८ वटा घर पीडितहरूलाई आवश्यक राहत स्वरुप खाद्यान्न सामग्री लगायत लत्ता कपडाहरू वितरण गरेको छ।
घर जलेर घरबारबिहीन भएका परिवारहरूलाई सानै भएतापनि सहयोग गर्न पाँउदा पीडितहरूको दिनचर्यामा केही दिनको लागि भए पनि सहजता आउने विश्वास बैंकले लिएको छ।
पीडितहरूलाई राहत वितरण कार्यक्रममा बैंकका कर्णाली प्रदेश सर्केगाड शाखाका शाखा प्रमुख लगायत अन्य कर्मचारीहरू तथा टोलका समाजसेवी बुद्धिजीवीहरूको उपस्थिति रहेको थियो।
वितरण गरिएको खाद्यान्न सामग्रीमा चामल, दाल, आलु, तेल र अन्य सामग्री एवं लत्ता कपडाहरूमा कुकर, डाडु तथा पिठो रहेको छ।
संस्थागत सामाजिक उत्तरदायित्व अन्तर्गत बैंकले यस अघि नै देशका विभिन्न स्थान स्वस्थ शिविर सञ्चालन, समुदायिक विद्यालय एवं मठ मन्दिरहरूमा सहयोग गरिसकेका छ।
सिटिजन्स बैंक इन्टरनेसनलले देशैभरी ६१ जिल्लामा फैलिएका आफ्ना २०० वटा शाखा, १६७ वटा एटिएम, ३ विस्तारित काउन्टर र ७४ वटा शाखा रहित बैंकिङ इकाइहरूबाट १९ लाख १२ हजार ग्राहकलाई आधुनिक बैंकिङ सेवा प्रदान गर्दै आएको छ।
-1746009348.jpg)
