मंगलबार नेप्से परिसूचक स्थिर रहेको छ।
सोमबार २६७४.७६ विन्दुमा बन्द भएको नेप्से मंगलबार २६७५.६२ विन्दुमा बन्द भएको छ।
यसदिन कारोबार रकम अघिल्लाे दिनको तुलनामा घटेको छ।
सोमबार ७ अर्ब ५८ करोड रूपैयाँको सेयर कारोबार भएकोमा मंगलबार ६ अर्ब ५२ करोड रूपैयाँको कारोबार भएको छ।
अघिल्लो दिनको तुलनामा कारोबार रकममा १ अर्ब ६ करोड रूपैयाँ कमी आएको हो।
आज ३१८ वटा धितोपत्रको एक करोड ४२ लाख ९९ हजार ३९४ कित्ता सेयर किनबेच भएको हो।
मंगलबार ८५ कम्पनीको सेयर मूल्य बढेको छ भने १६१ वटाको घटेको छ।
यसदिन पाँच कम्पनीको सेयर मूल्य सर्किट लेभलमा बढेको छ।
कर्पोरेट डेभलपमेन्ट बैंक, ओम मेगाश्री फर्मास्युटिकल्स, ग्रीन डेभलपमेन्ट बैंक र भूगोल इनर्जीको मूल्य १० प्रतिशतका दरले बढेको छ भने पियोर इनर्जीको मूल्य ९.९९ प्रतिशतले बढेको छ।
गुराँस लघुवित्तको मूल्य सर्वाधिक ८.०१ प्रतिशतले घटेर प्रतिकित्ता मूल्य दुई हजार ४५० रूपैयाँमा झरेको छ।
यसैगरी, उपकार लघुवित्तको मूल्य ६.३७ प्रतिशतले घटेर प्रतिकित्ता मूल्य तीन हजार पाँच सय रूपैयाँ कायम भएको छ।
मंगलबार युनिभर्सल पावरको सर्वाधिक कारोबार भएको छ।
कम्पनीको प्रतिकित्ता ४५८ रूपैयाँमा ६३ करोड ५८ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा ७.११ प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा राधी विद्युत रहेको छ। उक्त कम्पनीको प्रतिकित्ता ७९२ रूपैयाँमा ४७ करोड ३२ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये सात समूहको बढेको छ भने बाँकी ६ समूहको परिसूचक घटेको छ।
यसदिन विकास बैंक समूहको परिसूचक सर्वाधिक १.७६ प्रतिशतले बढेको छ।
