सोमबार पनि नेप्से परिसूचक घटेको छ।
नेप्से परिसूचकले २७ सय विन्दुमा प्रतिरोध परीक्षण गरिरहेको छ।
कारोबार अवधिमा पटक-पटक २७ सयको विन्दु पार गरेको नेप्से त्यो विन्दुमा अडिन सकेन। बजार बन्द हुने समयमा नेप्से घटेरै बन्द भयो।
नेप्से ५.२१ अंकले घटेर २६७४.७६ विन्दुमा बन्द भएको छ।
यसदिन कारोबार रकम पनि घटेको छ।
आइतबार ७ अर्ब ६० करोड रूपैयाँको सेयर कारोबार भएकोमा सोमबार ७ अर्ब ५८ करोड रूपैयाँको कारोबार भएको छ।
अघिल्लो दिनको तुलनामा कारोबार रकममा २ करोड रूपैयाँ कमी आएको हो।
आज ३३७ वटा धितोपत्रको एक करोड ७१ लाख ६० हजार ६२५ कित्ता सेयर किनबेच भएको हो।
सोमबार ९२ कम्पनीको सेयर मूल्य बढेको छ भने १५५ वटाको घटेको छ।
यसदिन ओम मेगाश्री फर्मास्युटिकल्सको मूल्य सर्वाधिक ९.९९ प्रतिशतले बढेको छ।
उक्त कम्पनीको प्रतिकित्ता मूल्य एक हजार २३९ रूपैयाँ ३० पैसा पुगेको छ।
यस्तै, उपकार लघुवित्तको मूल्य ६.१९ प्रतिशतले बढेर प्रतिकित्ता मूल्य तीन हजार ७३८ रूपैयाँ २९ पैसा कायम भएको छ।
गुराँस लघुवित्तको मूल्य सर्वाधिक १० प्रतिशतले घटेर प्रतिकित्ता मूल्य दुई हजार ६६३ रूपैयाँ २० पैसामा झरेको छ।
यसैगरी, बाराही हाइड्रोपावरको मूल्य ९.९९ प्रतिशतले घटेर प्रतिकित्ता मूल्य ८५७ रूपैयाँ ४० पैसा कायम भएको छ।
सोमबार राधी विद्युतको सर्वाधिक कारोबार भएको छ।
कम्पनीको प्रतिकित्ता ८०४ रूपैयाँमा ६४ करोड ३१ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा १.५५ प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा ङादी ग्रुप पावर रहेको छ। उक्त कम्पनीको प्रतिकित्ता ३८० रूपैयाँ १० पैसामा ५६ करोड ८६ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये चार समूहको बढेको छ भने बाँकी नौ समूहको परिसूचक घटेको छ।
यसदिन माइक्रोफाइनान्स समूहको परिसूचक सर्वाधिक १.४२ प्रतिशतले घटेको छ।
