एमजी गाडीको आधिकारिक वितरक प्यारामाउन्ट मोटर्सले नयाँ एमजी कमेट इभी नेपाली बजारमा सार्वजनिक गरेको छ।
आधुनिक सहरी जीवनशैलीलाई मध्यनजर गरी डिजाइन गरिएको यो इलेक्ट्रिक गाडी भविष्यदर्शी डिजाइन, अत्याधुनिक प्रविधि, दिगो इञ्जिनियरिङ र उत्कृष्ट सुरक्षाको संयोजन हो, जसको कम्प्याक्ट आकारमा पर्याप्त स्पेस रहेको छ।
एमजीको बिको (भित्र फराकिलो, बाहिर कम्प्याक्ट) डिजाइन दर्शनबाट प्रेरित कमेट इभीमा चार सिट क्षमता छ र बाहिरी रूपमा सानो देखिए पनि भित्री हिस्सा पर्याप्त फराकिलो स्पेस रहेको कम्पनीको भनाइ छ।
५०:५० अनुपातमा स्प्लिट भएका पछाडिका सिटहरूले यात्राको आराम बढाउँदै दैनिक यात्रा, सहरी आवागमन र छोटो दूरीका यात्रालाई सहज बनाउँछ।
यस्ता छन् अपग्रेड गरिएका फिचरहरू:
रियर पार्किङ क्यामेरा
सहरी क्षेत्रमा पार्क गर्न सजिलो बनाउने प्रविधि
फास्ट चार्जिङ (७ वाट) : ३.५ घण्टामै शून्य प्रतिशतबाट १०० प्रतिशत चार्ज हुने- छिटो, सहज र प्रभावकारी
पावर फोल्डेबल साइड मिरर
स्टाइल र स्पेस दुबै ध्यानमा राखिएको डिजाइन
सक्षम, भरपर्दो र यात्राको लागि तयार
यो इभीमा १७.३ किलोवाट क्षमता भएको प्रिज्मेटिक सेल साथ आउने लिथियम आएन ब्याट्री जडित छ, जसले एकपटक चार्ज गर्दा अराइ प्रमाणित २३० किलोमिटर सम्मको रेन्ज प्रदान गर्छ।
आइपी ६७ रेटिङ भएको यो ब्याट्री धुलो र पानीबाट सुरक्षित छ र ३९ वटा सुरक्षा परीक्षण सफलतापूर्वक पास गरेको छ।
कमेट इभीमा १०.२५ इन्चको डुअल स्क्रिन (इन्फोटेन्मेन्ट टचस्क्रिन र डिजिटल इन्स्ट्रुमेन्ट क्लस्टर) को सुविधा रहेको छ, जसले भित्री भागलाई अत्याधुनिक र आकर्षक बनाउँछ। साथै, स्मार्ट की. को सुविधा समेत दिइएको यस इभीले प्रयोगकर्ताको अनुभवलाई अझ सहज बनाउँछ।
एमजी कमेट इभीमा विभिन्न सुरक्षा फिचरहरू उपलब्ध छन्:
डुअल फ्रन्ट एअरब्याग
एबिएस र इबिडी
अगाडिको र पछाडिको ३-पोइन्ट सिटबेल्ट
रियर पार्किङ क्यामेरा र सेन्सर
टिपिएमएस (टायर प्रेशर मनिटरिङ सिस्टम - इनडाइरेक्ट)
चाइल्ड सिट एन्कर
गाडीको स्ट्रक्चरमा १७ वटा हट-स्ट्याम्पिङ प्यानल प्रयोग गरिएको छ, जसले गाडीको मजबुती र यात्रु सुरक्षामा सहयोग गर्छ।
यो इभीको ब्याट्रीमा ८ वर्ष/१,२०,००० किमीको वारेन्टी रहेको छ। हाई-भोल्टेज कम्पोनेन्टमा ३ वर्ष/१,००,००० किमी वारेन्टी रहेको छ।
एमजीका सेवा केन्द्रहरू काठमाडौं (कुसुन्ती, सुकेधारा), भक्तपुर, विराटनगर, विर्तामोड, बुटवल, भैरहवा, दाङ, पोखरा, वीरगञ्ज, नेपालगञ्ज र धनगढी जस्ता नेपालका प्रमुख क्षेत्रहरूमा उपलब्ध छन्।
चार्जिङ स्टेशनहरू काठमाडौं, बिर्तामोड, विराटनगर, चितवन, बर्दिबास, सिन्धुली, पोखरा, कुरिनटार, मुलकोट, बुटवल, वीरगञ्ज, इटहरी, जनकपुर र ढल्केवरमा सञ्चालनमा छन्।
एमजी कमेट इभी स्मार्ट साइज, आधुनिक फिचर, सुरक्षामा प्रतिबद्धता र भरपर्दो सेवा सुविधासँगै नेपालको दिगो सहरी यातायातको भविष्यसँग पूर्ण रूपमा मेल खान्छ। यो केबल गाडी मात्र नभई स्वच्छ, प्रभावकारी र स्मार्ट मोबिलिटीतर्फको एक साहसी कदम रहेको कम्पनीको दाबी छ।
