महिन्द्राका युटिलिटी भेइकल्स तथा ट्रयाक्टरहरुको लागि अग्नि ग्रुपले आफ्नो क्षेत्रीय शाखा कार्यालय कोहोलपुरमा संचालनमा ल्याएको छ।
यो कम्पनीको चौथो क्षेत्रीय शाखा कार्यालय हो। यसअघि कम्पनीले विरगञ्ज, इटहरी र भैरहवामा क्षेत्रीय कार्यालयको स्थापना गरिसकेको छ।कोहोलपुर कार्यालयको अग्नि ग्रुपका कार्यकारी निर्देशक अर्जुन शर्माले उदघाटन गरे।
यस शाखाबाट सवारी बिक्री मात्रै नभई चुस्त सर्भिस तथा स्पेयर पार्टसको उपलव्धता गराइने शर्माले बताए। यसले कम्पनी र ग्राहकबीचको सम्बन्धलाई अझ बलियो बनाउने उनको विश्वास छ। अग्निका डिलरहरुलाई मूलधारमा ल्याई गुणस्तरीय सेवाको साथ छुट्टै अनुभव प्रदान हुने कम्पनीको विश्वास छ।
सन १९९१ मा नेपालमा स्थापना भएको अग्नि ग्रुप अन्तर्गत अग्नी इन्कर्पोरेटेड, अग्नि इनर्जी, अग्निमोटोइन्क, बालाजू अटो वक्र्स प्रालि छन्।
यी कम्पनीहरुले महिन्द्रा युटिलिटि भेइकल, ट्र्याक्टर, टुह्वीलर तथा विद्युतीय कार र जेनेरेटरहरु विक्री वितरण गर्दै आएका छन् । साथै अग्नि ग्रुप कोन्स्टान्ट व्याट्रि तथा केभिन इन्भर्टरको वितरक समेत रहेको छ।
