अभिनेता मोहनलाललाई भारतको सिनेमा क्षेत्रको सर्वोच्च सम्मान दादासाहेब फाल्के पुरस्कार प्रदान गरिने भएको छ।
शनिबार यो घोषणा भएसँगै मलयालमका सुपरस्टार मोहनलाल देशको सबभन्दा प्रतिष्ठित फिल्म अवार्ड प्राप्त गर्ने केही कलाकारमध्ये एक बनेका छन्।
भारतीय सिनेमामा वर्षौंदेखिको योगदानको सम्मानमा उनलाई दादासाहेब फाल्के पुरस्कार २०२३ बाट सम्मान गर्न लागिएको हो।
सूचना तथा प्रसारण मन्त्रालयले आफ्नो आधिकारिक एक्स (पहिले ट्विटर) ह्यान्डलमा एक पोस्ट गर्दै यसबारे जानकारी दिएको छ। त्यहाँ लेखेको छ, 'दादासाहेब फाल्के पुरस्कार चयन समितिको सिफारिसमा, भारत सरकार श्री मोहनलाललाई प्रतिष्ठित दादासाहेब फाल्के पुरस्कार २०२३ बाट सम्मानित गरिने घोषणा गर्न पाउँदा खुसी छ।'
यो पुरस्कार सेप्टेम्बर २३, २०२५ मा ७१ औं राष्ट्रिय चलचित्र पुरस्कार समारोहमा प्रदान गरिनेछ।
घोषणालगत्तै, मोहनलालले आफ्ना प्रशंसक, परिवार र सहकर्मीहरूप्रति कृतज्ञता व्यक्त गरेका छन्। त्यस्तै फिल्मकर्मीहरूले पनि उनलाई बधाई दिइरहेका छन्।
-1758107792.jpg)
-1758342751.jpg)
-1746513231.jpg)
-1746009348.jpg)
