हलिउडको चर्चित हरर फ्रेन्चाइज 'द कन्जुरिङ' को अन्तिम किस्ता 'द कन्जुरिङ: लास्ट राइट्स' ले विश्वव्यापी बक्स अफिसमा राम्रो कमाइ गरेको छ।
माइकल चाभेस निर्देशित यो फिल्ममा प्याट्रिक विल्सन तथा भेरा फार्मिगाको अभिनय छ। यस फिल्मले प्रदर्शनको पहिलो सप्ताहन्तमा हरर विधामा दोस्रो सबभन्दा ठूलो ओपनिङ कलेक्सन गर्न सफल भयो।
फिल्मले पाँच दिन लामो सप्तान्हमा विश्वव्यापी रूपमा १८७ मिलियन अमेरिकी डलरको कमाइ गरेको छ।
यसमध्ये, घरेलु बजार (अमेरिका र क्यानडा) बाट ८३ मिलियन डलर संकलन भएको छ भने अन्तर्राष्ट्रिय बजारबाट १०४ मिलियन डलरको प्रभावशाली कमाइ भएको संचारमाध्यमले जनाएका छन्।
यो फिल्म अन्तर्राष्ट्रिय बजारमा आफ्नो पहिलो सप्ताहन्तमा १०० मिलियन डलरको आँकडा पार गर्ने पहिलो हरर फिल्म बनेको छ।
'लास्ट राइट्स' को यो उत्कृष्ट बक्स अफिस प्रदर्शनले दर्शकहरू हरर विधालाई कति मन पराउँछन् भन्ने कुरा पुनः प्रमाणित गरेको छ
यो फिल्मलाई 'द कन्जुरिङ युनिभर्स' को अन्तिम अध्याय भनिएको छ।
'द कन्जुरिङ: लास्ट राइट्स' नेपालका सिनेमा हलमा पनि प्रदर्शन भइरहेको छ।
-1746009348.jpg)
