अहान पाण्डे र अनित पड्डा अभिनीत बलिउड फिल्म 'सैयारा' ले बक्स अफिसमा थुप्रै रेकर्ड बनाएको छ।
नवोदित कलाकारहरूको मुख्य भूमिका रहेको यो रोमान्टिक म्युजिकल फिल्मले भारतमा मात्रै ३ सय करोड भारू कमाइ सकेको छ। यो फिल्ममा अहान र अनितको जोडीलाई दर्शकले खुबै रूचाए। फिल्म रिलिजपछि उनीहरूको चर्चा एकाएक चुलिएको छ। तर, यो फिल्मका लागि उनीहरू दुवै पहिलो रोजाइ थिएनन्।
भारतीय मिडिया रिपोर्टका अनुसार, मुख्य भूमिकाका लागि सुरूमा सिद्धार्थ मल्होत्रा र कियारा आडवाणीको चर्चित जोडीलाई सोचिएको थियो। यद्यपि, 'शेरशाह' अभिनेता सिद्धार्थको 'लुक टेस्ट' मोहितको अपेक्षाअनुसार भएन। त्यस्तै, कास्टिङको समय र स्क्रिप्टबारे पनि केही मतभेद भएपछि कुरा अगाडि बढ्न सकेन। अन्ततः निर्देशक मोहित सुरीले नयाँ अनुसार लिने सोच बनाए। र, त्यसमा अहान र अनित उपयुक्त लागेपछि उनीहरूलाई लिएर फिल्म बनाए।
फिल्म रिलिज हुनुअघि निर्देशक मोहित सुरीले एक अन्तर्वार्तामा 'सैयारा' को तुलना 'आशिकी २' सँग गरिएको विषयमा कुरा गरेका थिए।
भारतीय मिडिया दैनिक जागरणका अनुसार उक्त अन्तवार्तामा मोहितले भनेका थिए, 'जब मैले 'जहर' बनाएँ, मानिसहरूले भने कि यो 'मर्डर' जस्तो छ, जब मैले 'एक भिलेन' बनाएँ, उनीहरूलाई त्यो 'मर्डर २' जस्तो लाग्यो। जब मैले 'मलंग' बनाएँ, उनीहरूले भने कि यो 'एक भिलेन' जस्तो छ। जब मैले 'आशिकी २' बनाएँ, उनीहरूले भने यो 'वो लम्हे' र 'रकस्टार' जस्तो छ। त्यसैले मलाई लाग्छ कि जब म मेरो अर्को फिल्म बनाउनेछु, उनीहरूले भन्नेछन् कि यो 'सैयारा' जस्तो छ। जब उनीहरूले मेरो कामको तुलना अरू कसैको सट्टा मेरै कामसँग गर्छन्, तब मलाई राम्रो लाग्छ।'
'सैयारा' ले बक्स अफिसमा १७ दिनमै ३ सय करोड करोडको आँकडा पार गरेको छ। यसले भारतमा ३ सय ८ करोड २५ लाख भारू कमाएको छ। नेपालमा पनि फिल्मको कमाइ उत्कृष्ट छ।
-1755241369.jpg)
-1746009348.jpg)
