दक्षिण भारतीय चर्चित अभिनेत्री रश्मिका मन्दना आगामी फिल्म 'मैसा' कारण यतिबेला थप चर्चामा छिन्।
यो फिल्मको टिमले हालै उनको 'लुक' सार्वजनिक गरेको छ।
अनफर्मुला फिल्म्सको ब्यानरमा बनेको 'मैसा' एक महिला योद्धाको साहस र जोशलाई प्रदर्शन गर्ने कथा जस्तो देखिन्छ। पोस्टरमा रश्मिका एक योद्धाजस्तो देखिएकी छन्। उनको अनुहारमा क्रोध र जोश स्पष्ट रूपमा देखिन्छ।
रश्मिका मन्दना पनि यो फिल्मलाई लिएर धेरै उत्साहित छिन्।
उनले पोस्टर सामाजिक सञ्जालमा सेयर गर्दै लेखेकी छन्, 'म सधैं तपाईंलाई केही नयाँ, केही फरक, केही रोमाञ्चक दिने प्रयास गर्छु। र यो तीमध्ये एक हो।'
रविन्द्र पुल्लेको लेखन तथा निर्देशन रहेको यो फिल्मको निर्माता अजय र अनिल सय्यापुरेड्डी हुन्। 'मैसा' गोन्ड जनजातिको कथा हो। निर्देशक रवीन्द्र पुल्लेले मैसा दुई वर्षको कडा परिश्रमको परिणाम भएको बताएका छन्।
एकपछि अर्को सुपरहिट फिल्म दिएकी रश्मिकाको आगामी फिल्मको कुरा गर्दा उनी चाँडै नै हरर–कमेडी 'थामा' मा आयुष्मान खुरानाको अपोजिटमा देखिनेछिन्।
त्यस्तै, 'पुष्पा ३' मा आफ्नो चर्चित पात्र श्रीवल्लीको रूपमा पनि फर्कनेछिन्। यसबाहेक उनी 'द गर्लफ्रेन्ड' र 'रेन्बो' जस्ता फिल्महरूमा देखिनेछिन्।
