बलिउड अभिनेता अमिताभ बच्चनको नाति अगस्त्य नन्दा अभिनीत फिल्म 'इक्कीस' को टिजर सार्वजनिक भएको छ।
शनिबार म्याडक फिल्म्स युट्युब च्यानलमार्फत फिल्मको टिजर सार्वजनिक गरिएको हो। योसँगै फिल्मको प्रदर्शन मिति पनि घोषणा गरिएको छ। यो फिल्म अक्टोबर २ देखि प्रदर्शनमा आउनेछ।
यो फिल्म सत्य घटनामा आधारित छ। जुन भारत-पाकिस्तान १९७१ को युद्धमा लडेका अरूण खेतारपालको बायोपिक हो।
श्रीराम राघवन निर्देशित फिल्ममा अगस्त्य नन्दा, सिमर भाटिया, धर्मेन्द्र, जयदीप अहलावत लगायतको मुख्य भूमिका छ।
