यतिबेला दक्षिण भारतीय अभिनेत्री सामन्था रूथ प्रभु चर्चामा छिन्।
उनी डिभोर्सपछि प्रेम सम्बन्धको कारण चर्चामा आएकी हुन्। उनी एक व्यक्तिसँग खेलकुद कार्यक्रम, पार्टी र मन्दिरमा गएको देखेपछि प्रेम सम्बन्धको खबर फैलिएको हो।
भारतीय सञ्चारमाध्यम दैनिक जागरणका अनुसार उनको नाम निर्देशक राज निदिमोरूसँग जोडिएको छ। उनीहरू पछिल्लो समय लगातार एकसाथ देखिरहेका छन्।
सामन्था र राजलाई एकसाथ देखेपछि सामाजिक सञ्जाल प्रयोगकर्ताले प्रतिक्रिया दिइरहेका छन्। 'दोस्रो विवाह पक्का भयो,' एक सामाजिक सञ्जाल प्रयोगकर्ताले लेखेका छन्।
राज निदिमोरू भारतका चर्चित निर्देशक हुन्। डीकेसँग मिलेर उनले थुप्रै हिट वेब सिरिज बनाएका छन्। उनले मनोज बाजपेयीसँग 'द फ्यामेली म्यान', शाहिद कपूरसँग 'फर्जी', र वरुण धवन सामन्थासँग 'सिटाडेल हनी बनी' जस्ता वेब सिरिज बनाएका छन्। उनी फिल्ममा पनि सक्रिय छन्।
सामन्थाले सन् २०१७ मा नागा चैतन्यसँग विवाह गरेकी थिइन्। उनीहरूले सन् २०२१ मा सम्बन्ध विच्छेद गरेका थिए।
