हालै बलिउड अभिनेता आमिर खानले आफूले अस्वीकार गरेका फिल्मका बारेमा कुराकानी गरेका छन्।
जसमा 'मुन्ना भाइ', 'डर' र 'बजरंगी भाइजान' जस्ता फिल्म सामेल थियो। भारतीय सञ्चारमाध्यम दैनिक भास्करका अनुसार आमिरले 'बजरंगी भाइजान' को स्क्रिप्ट सुनेपछि सलमानको नाम सुझाएका थिए। त्यस्तै आमिरले 'डर' छाड्नुको कारण पनि बताएका छन्।
'एक फिल्म थियो डर, जुन फिल्म खेल्न म आफै डराएको थिए। तर पछि मैले फिल्म खेलिनँ। यशजी जुन सुर समातिरहेका थिए, त्यसमा शाहरूख खान फिट थिए। यदि यो फिल्म मैले खेलेको भए केही अरू नै हुन्थ्यो,' उनले भनेका छन्।
यश चोपडा निर्देशित फिल्म 'डर' बाट शाहरूख खानले राम्रो चर्चा पाएका थिए।
