बलिउड अभिनेता विजय वर्मा र दक्षिण भारतीय अभिनेत्री तमन्ना भाटिया लामो समयदेखि प्रेम सम्बन्धमा छन्।
केही समयअघि उनीहरू यसैवर्ष विवाह गर्ने योजनामा रहेको खबर बाहिरिएको थियो। तर उनीहरूले एक-अर्कासँग अलग हुने निर्णय लिएका छन्।
विजय वर्मा र तमन्नाले आफ्नो इन्स्टाग्रामबाट एक-अर्काको तस्बिर समेत हटाएका छन्। उनीहरूले आफ्नो फिल्मको प्रमोशनको तस्बिर र भिडिओ बाहेक अन्य तस्बिर हटाएका हुन्।
विजय र तमन्नाले ब्रेकअपको बारेमा केही खुलाएका छैनन्। भारतीय सञ्चारमाध्यम लाइभ हिन्दुस्तानका अनुसार उनीहरूले आफ्नो प्रोफेशनल लाइफलाई अगाडि बढाउन ब्रेकअप गरेका हुन्।
तमन्ना यतिबेला बलिउड र दक्षिण भारतीय दुवै क्षेत्रमा सक्रिय रूपमा काम गरिरहेकी छन्। उनी पछिल्लो समय 'सिकन्दरका मुकद्दर' मा देखिएका थिए।
